ချယ်လ်ဆီးအသင်းပိုင်ရှင် အမေရိကန်သူဌေး တော့ဒ်ဘိုလီသည် ပြင်သစ်လီဂူးကလပ် စထရာဘိုုးအသင်းကို ဝယ်ယူရန် ဆက်လက်ကြိုးပမ်းနေကြောင်း သိရသည်။
တော့ဒ်ဘိုလီသည် မန်စီးတီးအသင်းကို ပိုင်ဆိုင်ထားသော City Football Group ကဲ့သို့ လုပ်ဆောင်ရန် ရည်ရွယ်နေရာ စထရာဘိုးအသင်း မတိုင်မီက လိုင်ယွန်၊ ဆိုးချော့နှင့် ဘော်ဒိုးအသင်းတို့ကိုလည်း ကြိုးပမ်းခဲ့ကြောင်း သိရသည်။
ထို့ပြင် ပေါ်တူဂီကလပ်အသင်းတစ်သင်းကိုလည်း ဝယ်ယူရန်စီစဉ်နေပြီး ပြီးခဲ့သည့်နှစ်က ကမ်းလှမ်းမှုမှာမူ ပယ်ချခံခဲ့ရကြောင်း သိရသည်။
