ဂျိုကိုဗစ်အပေါ် သြစတြေးလျတာဝန်ရှိသူများ၏ ဆက်ဆံပုံမှာ အလွန်ရှက်စရာကောင်းကြောင်း မန်ချက်စတာယူနိုက်တက်ကွင်းလယ်လူ မာတစ် ဝေဖန်

0
64

မန်ယူအသင်း၏ ဆားဘီးယားလက်ရွေးစင်ဟောင်း ကွင်းလယ်လူ မာတစ်က ကမ္ဘာ့အဆင့် ၁ ဆားဘီးယားတင်းနစ်သမား ဂျိုကိုဗစ်အပေါ် သြစတြေးလျတာဝန်ရှိသူများ၏ ပြုမူဆက်ဆံပုံမှာ အလွန်ရှက်စရာကောင်းကြောင်း ဝေဖန်ပြောကြားခဲ့သည်။

ဂျိုကိုဗစ်သည် သြစတြေးလျအိုးပင်းပြိုင်ပွဲ ယှဉ်ပြိုင်ရန် ယခုလဆန်းပိုင်းကတည်းက ရောက်ရှိလာသော်လည်း ပြည်ဝင်ခွင့်ဗီဇာ နှစ်ကြိမ်တိုင် ငြင်းပယ်ခံရပြီးနောက် တနင်္ဂနွေနေ့တွင် ပြည်နှင်ဒဏ်ပေးခံရသဖြင့် သြစတြေးလျနိုင်ငံမှ ပြန်လည်ထွက်ခွာခဲ့ရပြီဖြစ်သည်။

myan789

သြစတြေးလျဖက်ဒရယ်တရားရုံးသည် လူဝင်မှုကြီးကြပ်ရေးဝန်ကြီး ဟောကီက ဂျိုကိုဗစ်၏ဗီဇာကို ရုပ်သိမ်းသည့်ဆုံးဖြတ်ချက်အား ထပ်မံအတည်ပြုခဲ့ခြင်းဖြစ်ပြီး ၎င်းအနေဖြင့် သြစတြေးလျအိုးပင်းချန်ပီယံဆုကို လေးနှစ်ဆက်ရယူရန်နှင့် ဂရင်းစလင်းချန်ပီယံဆု အများဆုံးကစားသမားအဖြစ် စံချိန်တင်နိုင်မည့်အခွင့်အရေးများ လက်လွှတ်ခဲ့ရသည်။

သို့ဖြစ်ရာ မာတစ်က သြစတြေးလျအိုးပင်းပြိုင်ပွဲတွင် ဂျိုကိုဗစ် နောက်ဆုံးအောင်ပွဲခံခဲ့သည့်ဓာတ်ပုံကို ပြန်တင်၍ သြစတြေးလျအာဏာပိုင်များအနေဖြင့် ၎င်းတို့၏လုပ်ရပ်အတွက် ထာဝရအရှက်ရနေလိမ့်မည်ဖြစ်ကြောင်း ဝေဖန်ခဲ့သည်။

မာတစ်သည် ၂၀၂၀ ပြည့်နှစ်အတွင်းကလည်း ဂျိုကိုဗစ်၏ အငြင်းပွားဖွယ် Adrian Tour ပြိုင်ပွဲကျင်းပခဲ့ခြင်းအတွက် ကာကွယ်ပြောဆိုမှုများ ပြုလုပ်ခဲ့ဖူးသည်။

ဆားဘီးယားသမ္မတ အလက်ဇန္ဒားဗူချစ်ကလည်း သြစတြေးလျအစိုးရ၏လုပ်ရပ်အပေါ် ဝေဖန်ပြောကြားခဲ့သည်။

LEAVE A REPLY

Please enter your comment!
Please enter your name here