ကာဗာနီဟာ ယူနိုက်တက်အတွက် အလုပ်ဖြစ်နိုင်မလားဆိုတာ ဝေဖန် သုံးသပ် ပေးလိုက်တဲ့ လူးဝစ် ဆာဟာ

မန်ချက်စတာ ယူနိုက်တက် အသင်း ရဲ့ တိုက်စစ်မှူးဟောင်း ဖြစ်သူ လူးဝစ် ဆာဟာ က အိုးလ် ထရပ်ဖို့ဒ် ဆီ 2 နှစ် စာချုပ် နဲ့ ပြောင်းရွှေ့လာတော့မယ့် ဥရုဂွေး လက်ရွေးစင် အီဒင်ဆန် ကာဗာနီဟာ အသင်းဟောင်း အတွက် ထိပ်တန်း ကစားသမား ခေါ်ယူမှု ဖြစ်နိုင် လိမ့်မယ်လို့ မှတ်ချက် ပေးသွားလိုက် ပါတယ် ။

ပြီးခဲ့တဲ့ ဘောလုံး ရာသီ တုန်းက PSG အသင်း နဲ့ စာချုပ် သက်တမ်း ကုန်ဆုံး သွားခဲ့တဲ့ ကာဗာနီ ဟာ လက်ရှိ အချိန် မှာတော့ အသင်း လက်မဲ့ ဖြစ်နေ ခဲ့တဲ့ အချိန် မန်ချက်စတာ ယူနိုက်တက် တို့က ကစားသမား ရဲ့ အေးဂျင့် နဲ့ ဆက်သွယ် ခဲ့ပြီး သဘော တူညီမုှ ရယူ ထားနိုင် ခဲ့တာပဲ ဖြစ်ပါတယ် ။

myan789

ကာဗာနီဟာ PSG အသင်း အတွက် 7 နှစ် ကစား ပေးထား ခဲ့ရာမှာ ပြိုင်ပွဲစုံ 301 ပွဲ ကစား ပေးထား ခဲ့ပြီး စံချိန် တစ်ခု ဖြစ်တဲ့ သွင်းဂိုး 200 အထိ သွင်းယူ ပေးထား နိုင်ခဲ့တာပဲ ဖြစ်ပါတယ် ။ ဒီနေ့ မှာတော့ သူဟာ ယူနိုက်တက် တို့နဲ့ ဆေးစစ်မှု ၊ လက်မှတ် ရေးထိုးမှု လုပ်ဆောင် လိမ့်မယ်လို့ သိရ ပါတယ် ။

လက်ရှိ အချိန် မှာတော့ မန်ချက်စတာ ယူနိုက်တက် အသင်းမှာ အန်သိုနီ မာရှယ်ဟာ နံပါတ် 9 တိုက်စစ်မှူး အဖြစ် တာဝန်ယူ နေရပြီး အစ်ဂ်ဟာလို ကတော့ အရံ ကစားသမား အဖြစ် ပါဝင် နေခဲ့ရ ပါတယ် ။ ဒါ့ကြောင့် ကာဗာနီ ရောက်လာမယ် ဆိုရင် သူတို့ တွေရဲ့ ပွဲထွက်ခွင့် အကန့်အသတ် ဖြစ်သွား မလား ဆိုတဲ့ သုံးသပ်မှုတွေ ရှိနေ ခဲ့ပါ သေးတယ် ။

ဒါအပြင် ကာဗာနီဟာ အသက် 33 နှစ် အရွယ် ရှိနေပြ ဖြစ်တာကြောင့် ယူနိုက်တက် အတွက် အလုပ် ဖြစ်နိုင် မလား ဆိုတဲ့ ဝေဖန်သံ တွေလည်း ထွက်ပေါ် လာခဲ့ပါ သေးတယ် ။ အခုတော့ ယူနိုက်တက် တိုက်စစ်မှူးဟောင်း ဆာဟာ က ကာဗာနီ ဟာ အသင်းဟောင်း အတွက် ထိပ်တန်း ကစားသမား ခေါ်ယူမှု ဖြစ်လာနိုင် လိမ့်မယ်လို့ သုံးသပ် သွားခဲ့လိုက် ပါတယ် ။

” ကာဗာနီ ဆိုတာ အသင်း အတွက် ထိပ်တန်း ကစားသမား ခေါ်ယူမှု ပါပဲ ။ သူဟာ အဆုံးသတ် ကောင်းတဲ့ တိုက်စစ်မှူး ဖြစ်သလို ခွန်အား ကြီးမားလွန်းတဲ့ နံပါတ် 9 တစ်ဦး ပါပဲ ။ သူ့ရဲ့ လုပ်အား တွေကြောင့် မန်ချက်စတာ ယူနိုက်တက် အသင်း ဟာ အကျိုး အမြတ် အများကြီး ရရှိ နိုင်ပါ လိမ့်မယ် ” လို့ ဆာဟာ က တွစ်တာ ပေါ်မှာ ရေးသား ဖော်ပြ သွားခဲ့ ပါတယ် ။

ဆာဟာ, ဟာ ပြီးခဲ့တဲ့ စက်တင်ဘာလ တုန်းကလည်း အီဒင်ဆန် ကာဗာနီ ကို ခေါ်ယူဖို့ အတွက် အသင်းဟောင်း ကို တိုက်တွန်း နှိုးဆော်မှု လုပ်ဆောင် ခဲ့သူ တစ်ဦးပဲ ဖြစ်ပါတယ် ။ အခုတော့ သူ့ရဲ့ အလို ဆန္ဒ တွေဟာ ပြည့်ဝ တော့မယ့် အနေအထား တစ်ခုကို ရောက်ရှိ လာပါပြီ ။

” ကျွန်တော့် ကတော့ ဒီနွေမှာ အီဒင်ဆန် ကာဗာနီဟာ ယူနိုက်တက် အတွက် အကောင်းဆုံး အံဝင် နိုင်မယ့် ကစားသမား တစ်ဦး ဖြစ်နိုင် လိမ့်မယ်လို့ တွေးတော နေပါတယ် ။ သူဟာ ဂိုး ဘယ်လို သွင်ယူရ မလဲ ဆိုတဲ့ အမြင် ရှိနေသူ တစ်ဦး ပါပဲ ။ သူဟာ ဦးဆောင်လိုစိတ် အပြည့် ရှိတဲ့ တိုက်စစ်မှူး တစ်ဦးပါ ”

” ဈေးကွက် ထဲမှာ သူ့လို အရည်အသွေး ထူးကဲ လှတဲ့ တိုက်စစ်မှူး တစ်ဦး တစ်ယောက် ကို ရှာဖွေ နိုင်ဖို့ ဆိုတာက တစ်ကယ့်ကို ခက်ခဲလှ ပါတယ် ” လို့ ဆာဟာ က ပြီးခဲ့တဲ့ စက်တင်ဘာလ တုန်းက ဆိုးလ်ရှား ကို တိုက်တွန်း နှိုးဆောင် ခဲ့တာပဲ ဖြစ်ပါတယ် ။

Similar Articles

Comments

LEAVE A REPLY

Please enter your comment!
Please enter your name here

Covid-19 Statistic

Myanmar
641,614
Total confirmed cases
Updated on January 24, 2024 6:01 pm
Advertismentspot_img

Instagram

Most Popular