ဘာစီလိုနာအသင်းသည် ယခုဇန်နဝါရီအပြောင်းအရွှေ့ကာလတွင် ကစားသမားသစ် (၂)ဦး ထပ်မံခေါ်ယူသွားမည်ဖြစ်ကြောင်း AS သတင်းစာက ဖော်ပြခဲ့သည်။
ဘာစီလိုနာအသင်းသည် ယခုဇန်နဝါရီအပြောင်းအရွှေ့စျေးကွက်တွင် မန်စီးတီးတိုက်စစ်ကစားသမား ဖယ်ရန်တောရက်စ် တစ်ဦးတည်းကိုသာ ခေါ်ယူထားသေးသော်လည်း ကစားသမားလစာငွေကို လျှော့ချရန် လိုအပ်နေကြောင်း သိရသည်။
သို့သော် ယခုဇန်နဝါရီတွင် ဒမ်ဘီလီ ထွက်ခွာဖွယ်ရှိနေရာ ဘာစီလိုနာအသင်းအနေဖြင့် ကစားသမားသစ်များ ခေါ်ယူနိုင်ဖွယ်ရှိနေသည်။
AS ၏ဖော်ပြမှုအရ အသင်းဥက္ကဋ္ဌ လာပေါ်တာသည် နည်းပြဇာဗီကို ကစားသမားသစ် (၂)ဦး ထပ်ခေါ်ပေးမည်ဟု ကတိပေးထားပြီး အေဂျက်စ်နောက်ခံလူ တာလီယာဖီကိုနှင့် ဂျူဗင်တပ်စ်တိုက်စစ်မှူး မိုရာတာတို့ကို ပစ်မှတ်ထားနေကြောင်း သိရှိရသည်။