ပရီးမီးယားလိဂ်ပြိုင်ပွဲတွင် အကောင်းဆုံးစွမ်းဆောင်နိုင်ခဲ့သည့် ကစားသမားများကို ဂုဏ်ပြုမှတ်တမ်းတင်သည့် အစီအစဉ်ဖြစ်သော Hall of Fame စာရင်းဝင် ကစားသမားများ ရွေးချယ်မှုတွင် ၂၀၂၁ ခုနှစ်အတွက် သတ်မှတ်ထားသော ကစားသမား (၈)ဦး ပြည့်သွားခဲ့ပြီဖြစ်ပြီး မန်ယူအသင်းမှ အများဆုံးပါဝင်ခဲ့ကြောင်း သိရသည်။
အဆိုပါ ပရီးမီးယားလိဂ် Hall of Fame အတွက် ရွေးချယ်ရာတွင် နယူးကာဆယ်တိုက်စစ်မှူးဟောင်း အလန်ရှီးယားနှင့် အာဆင်နယ်တိုက် စစ်မှူးဟောင်း အွန်နရီတို့ကို ပရီးမီးယားလိဂ်အဖွဲ့ချုပ်က တိုက်ရိုက်ရွေးချယ်ခဲ့ပြီး ကျန်ကစားသမား(၆)ဦးကို မူ ပရိသတ်များ၏ ဆန္ဒမဲအပေါ် မူတည်ကာ ရွေးချယ်ခဲ့ခြင်းဖြစ်ကြောင်း သိရသည်။
ပရီးမီးယားလိဂ်အဖွဲ့ချုပ်သည် ယင်းကဲ့သို့ ရွေးချယ်ရန်အတွက် ကစားသမား(၂၃)ဦးစာရင်းကို ဆန်ခါတင်အဖြစ် ထုတ်ပြန်ပေးခဲ့ပြီး အဆိုပါကစားသမားများမှာ ၂၀၂၀ ခုနှစ်၊ သြဂုတ်လ(၁)ရက်နေ့တွင် ကစားသမားဘဝမှ အနားယူပြီးသူ များ ဖြစ်ကြောင်းလည်း သိရသည်။
အလန်ရှီးယားနှင့် အွန်နရီတို့၏နောက် ရွေးချယ်ခံရသည့် ကစားသမားများမှာ ကန်တိုနာ(မန်ယူ)၊ ရွိုင်ကင်း(မန်ယူ)၊ ဒေးဗစ်ဘက်ခမ် (မန်ယူ)၊ ဘားကင့်(အာဆင်နယ်)၊ လမ်းပတ်(ချယ်လ်ဆီး)၊ ဂျရတ်(လီဗာပူးလ်)တို့ဖြစ်ပြီး မန်ယူကစားသမား ဟောင်း (၃)ဦးအထိ ပါဝင်ကာ အများဆုံးဖြစ်ခဲ့ခြင်းဖြစ်သည်။
