ဘာစီလိုနာအသင်း၏ ရာသီကြို ဖိတ်ခေါ်ပြိုင်ပွဲတစ်ခုဖြစ်သော ယိုအန်ဂမ်ပါဖလားဖိတ်ခေါ် ပြိုင်ပွဲ ၂၀၂၀ ခု နှစ်ပြိုင်ပွဲအဖြစ် ဘာစီလိုနာအသင်းနှင့် အယ်လ်ချီအသင်းတို့ လာမည့်စက်တင်ဘာ (၁၉)ရက်နေ့တွင် ယှဉ်ပြိုင်ကစားမည်ဖြစ်ကြောင်း သိရသည်။
ဘာစီလိုနာအသင်းသည် အသင်းအား စတင်တည်ထောင်သူနှင့် ဥက္ကဋ္ဌဟောင်းဖြစ်သူ ယိုအန်ဂမ်ပါအား ဂုဏ်ပြုသည့်အနေဖြင့် ယခုပြိုင်ပွဲကို ၁၉၆၆ ခုနှစ်မှ စတင်ကာ နှစ်စဉ်မပျက် ကျင်းပခဲ့ခြင်းဖြစ်ပြီး ယခုနှစ်ပြိုင်ပွဲအတွက် အယ်လ်ချီအသင်းအား ယှဉ်ပြိုင်ရန်ကမ်းလှမ်းခဲ့ခြင်းဖြစ်သည်။
ယင်းကမ်းလှမ်းမှုအား အယ်လ်ချီအသင်းမှ လက်ခံပြီးနောက် ၂၀၂၀ ရာသီကြို ယိုအန်ဂမ်ပါဖလားပြိုင်ပွဲအား နူးကမ့်ကွင်းတွင် ယှဉ်ပြိုင်သွားမည်ဖြစ်ကြောင်း ဘာစီလိုနာအသင်းက အတည်ပြုကြေညာခဲ့ခြင်းဖြစ်သည်။
ယခုနှစ် ယိုအန်ဂမ်ပါဖလားပြိုင်ပွဲမှာ (၅၅)ကြိမ်မြောက်အဖြစ် ကျင်းပမည့်ပြိုင်ပွဲ ဖြစ်ကြောင်းလည်း သိရှိရသည်။
