အီရန်အသင်းများ၏ကမ္ဘာ့ဖလားပွဲစဉ်များတွင် ကွင်းအတွင်း လာရောက်ကြည့်ရှုသည့် အမျိုးသမီးဘောလုံးပရိသတ်များကို စုံစမ်းထောက်လှမ်းရန် အီရန်အစိုးရက စပိုင်များ စေလွှတ်ခဲ့ကြောင်း သိရသည်။
ယင်းစပိုင်များသည် ကွင်းအတွင်း အမျိုးသမီးပရိသတ်များကို ဓာတ်ပုံများ ရိုက်ကူးခြင်းနှင့် အချက်အလက်များ စုံစမ်းပြီး မိခင်နိုင်ငံ အီရန်သို့ ပြန်လာချိန်တွင် အရေးယူမှုများ ပြုလုပ်သွားမည်ဖြစ်သည်။
စိုးရိမ်ကြောက်ရွံ့နေသည့် အီရန်အမျိုးသမီးပရိသတ်တစ်ဦးက ကွင်းအတွင်း ဘောလုံးပွဲအပေါ် အာရုံမရောက်ဘဲ မှန်ပြောင်းဖြင့် လိုက်လံကြည့်ရှုနေသည့် အ မျိုးသားတစ်ဦးကို တွေ့မြင်ခဲ့ရသည်ဟု ဖွင့်ဟခဲ့သည်။
ထို့ပြင် အခြားမျက်မြင်အမျိုးသမီး တစ်ဦးကလည်း ဂုဏ်သရေရှိသည့်လူတစ်ဦး ပုံစံ ဝတ်စားထားသူ အမျိုးသားတစ်ဦးသည် အင်္ဂလန်-အီရန်ပွဲစဉ်$ Hijab ဆောင်းထားသည့် အမျိုးသမီးအုပ်စုတစ်ခုနှင့် ဓာတ်ပုံရိုက်ကူးခဲ့ပြီး ပွဲမကစားချိန်များ၌ ကွင်းပတ်ပတ်လည် လျှောက်သွားနေသည်ကို တွေ့မြင်ခဲ့ ရကြောင်း ဗြိတိန်သတင်းစာ Daily Mail သို့ ပြောကြားခဲ့သည်။
