ချယ်လ်ဆီးအသင်းသည် အသင်းမှထွက်ခွာလိုနေသည့် အီတလီနောက်ခံလူ အီမာဆန်အတွက် ပေါင် (၂၆)သန်း အလိုရှိနေကြောင်း သိရသည်။
အသက် (၂၆)နှစ်အရွယ်ရှိ အီမာဆန်သည် နည်းပြလမ်းပတ် လက်ထက်တွင် ချယ်လ်ဆီးအသင်း၌ ပုံမှန်ပွဲထွက်ရရန် ရုန်းကန်နေရပြီး အသင်းမှ ထွက်ခွာရန် ဆန္ဒရှိနေသူဖြစ်သည်။
ချယ်လ်ဆီးအသင်းနှင့် ချုပ်ဆိုထားသည့် အီမာဆန်၏ လက်ရှိစာချုပ်မှာ ၂၀၂၂ ခုနှစ်တွင် ကုန်ဆုံးမည်ဖြစ်ပြီး ၎င်းကို ခေါ်ယူရန် အင်တာမီလန်အသင်းက စိတ်ဝင်စားနေကြောင်း သိရသည်။
ချယ်လ်ဆီးအသင်းသည် ဘယ်နောက်ခံနေရာအတွက် လက်စတာအသင်းမှ အင်္ဂလန်နောက်ခံလူ ဘင်ချီဝဲလ်ကို ခေါ်ယူရန် နီးစပ်နေပြီဖြစ်ရာ အီမာဆန်ကို ရောင်းချရန် စီစဉ်လာခြင်းဖြစ်သည်။
ချယ်လ်ဆီးအသင်းသည် အီမာဆန်အတွက် ပေါင် (၂၆)သန်း အလိုရှိနေပြီး အင်တာမီလန်အသင်းကမူ ပေါင် (၂၂)သန်းသာ ပေးချေလိုနေကြောင်း သိရှိရသည်။
