ပရီးမီးယားလိဂ်ထိပ်သီးကလပ်များဖြစ်သည့် အာဆင်နယ်၊ မန်ယူနှင့် ချယ်လ်ဆီးတို့ ခေါ်ယူရန်ပစ်မှတ်ထားနေသည့် ဆားဘီးယားတိုက်စစ်မှူး ဗလာဟိုဗစ်အနေဖြင့် လာမည့်ဇန်နဝါရီအပြောင်းအရွှေ့့ကာလတွင် ဂျူဗင်တပ်စ်အသင်းမှထွက်ခွာနိုင်ကြောင်း ကစားသမား၏အေးဂျင့်ဖြစ်သူက ဝန်ခံခဲ့သည်။
အသက် (၂၂) နှစ်အရွယ်ရှိ ဗလာဟိုဗစ်သည် ၂၀၂၂ ဇန်နဝါရီအပြောင်းအရွှေ့ကာလကမှ ဂျူဗင်တပ်စ်အသင်းသို့ ရောက်ရှိလာသူဖြစ်သည်။
၎င်းသည် ဂျူဗင်တပ်စ်အသင်းတွင် ပုံမှန်ခြေစွမ်းရရန် ရုန်းကန်နေရသော်လည်း ပြိုင်ပွဲစုံ (၃၆) ပွဲတွင် (၁၆) ဂိုး သွင်းယူထားသည်။
လက်ရှိ ဂျူဗင်တပ်စ်အသင်းတွင် ငွေကြေးခဝါချမှုနှင့်စစ်ဆေးခံနေရပြီး အသင်းဥက္ကဋ္ဌ အက်ဂ်နယ်လီအပါအဝင် ဘုတ်အဖွဲ့ဝင်များနုတ်ထွက်ခြင်းကြောင့် ကစားသမားများ၏အနာဂတ်မှာ မရေမရာဖြစ်နေကြောင်း သိရသည်။
အာဆင်နယ်အသင်းသည် ဒဏ်ရာရတိုက်စစ်မှူး ဂျေးဇူး၏နေရာတွင် အစားထိုးရန် ဗလာဟိုဗစ်ကို အလိုရှိနေပြီး မန်ယူက စီရော်နယ်လ်ဒိုနေရာတွင်အစားထိုးရန် ၎င်းကို အလိုရှိနေခြင်းဖြစ်သည်။
ချယ်လ်ဆီးအသင်းမှာမူ ရုန်းကန်နေရသည့်တိုက်စစ်ပိုင်းအတွက် ဗလာဟိုဗစ်ကို အလိုရှိနေပြီး ဂျူဗင်တပ်စ်က ပေါင်သန်း (၈၀) အထက်ရပါက ၎င်းကို ရောင်းထုတ်ဖွယ်ရှိကြောင်း ဗြိတိန်သတင်းစာ Daily Mail က ဖော်ပြခဲ့သည်။
