ဝီလီယံ ဂါးလက်စ် ကတော့ သူ့ရဲ့ အသင်းဟောင်း အာဆင်နယ် အသင်း အနေနဲ့ ဘီလ်ဘာအို အသင်း ရဲ့တောင်ပံ ကစားသမား နီကို ဝီလီယံ ကို ခေါ်ယူဖို့ရာ နောက်ကျ သွားခဲ့ပြီလို့ သတိပေး ပြောကြား သွားခဲ့ပါတယ် ။
အာဆင်နယ် အသင်းဟာ ချဲလ်ဆီး ၊ လီဗာပူး ၊ ဘာစီလိုနာ တို့နဲ့ အပြိုင် နီကိုဝီလီယံ ကို တောက်လျှောက် ချိတ်ဆက် နေခဲ့တာဖြစ်ပေမယ့် ထိရောက်တဲ့ ကမ်းလှမ်းမှုတော့ လုပ်ခြင်း မရှိသေးပါဘူး ။ နီကို ဝီလီယံ ဟာ ယူရို ၂၀၂၄ မှာ စပိန် အသင်း ချန်ပီယံ ဖြစ်ရာမှာ အဓိက ကျခဲ့တဲ့ ကစားသမား တစ်ဦး ဖြစ်ပါတယ် ။
ဂါးလက်စ်ကတော့ ဝီလီယံ ကို ခေါ်ယူဖို့ရာ အာဆင်နယ် အသင်းရော ချဲလ်ဆီး အသင်းပါ နောက်ကျ သွားခဲ့ပြီ ဖြစ်ပြီး ဘာစီလိုနာ အသင်းကို ရောက်တော့မှာ ဖြစ်တယ်လို့ Gambling Zone မှာ ပြောကြား သွားခဲ့ပါတယ် ။ ” သိပ်ကို နောက်ကျ သွားပါပြီ ။ အာဆင်နယ် ၊ ချဲလ်ဆီး ၊ လီဗာပူး ပရိသတ်တွေရေ ဒါမှမဟုတ် နီကိုဝီလီယံ နဲ့ ချိတ်ဆက်နေကြတဲ့ အသင်းတွေရေ စိတ်တော့ မကောင်းပါဘူး ၊ ခင်ဗျားတို့ နောက်ကျ သွားခဲ့ပါပြီ ။ ”
” သူက ဘာစီလိုနာကို သွားမှာပါ ။ ဘာစီလိုနာ က အဲ့ဒီကောင်လေးကို ရဖို့ အစွမ်းကုန် ကြိုးစားမှာပါ ၊ အထူးသဖြင့် သူက လာမင်းယာမဲလ် နဲ့လည်း ဆက်ဆံရေးကောင်း ရှိနေသူပါ ။ သူတို့ နှစ်ဦး က ကွင်းထဲမှာ အတွဲညီညီ ကစား နိုင်သူပါ ၊ ကွင်းပြင်ပမှာလည်း အတွဲညီပါတယ် ၊ တကယ့်ကို သူငယ်ချင်းအရင်းကြီးတွေလိုပါ ၊ အမြဲတမ်း တပူးပူးတတွဲတွဲပါပဲ ။ ” လို့ ပြောကြား သွားခဲ့ပါတယ် ။
