မန်ယူအသင်းသည် ရီးယဲလ်မက်ဒရစ်အသင်းမှ စပိန်တောင်ပံကစားသမား အဆန် စီယိုအား ပေါင် (၂၃.၅)သန်းဖြင့် ကမ်း လှမ်းရန် ပြင်ဆင်နေကြောင်း စပိန်သတင်းစာ Relevo က ဖော်ပြခဲ့သည်။
မန်ယူအသင်းနည်းပြသစ် တန်ဟက်ဂ်သည် ယခုနွေရာသီအပြောင်းအရွှေ့စျေး ကွက်မပိတ်မီ အသင်းကို အင်အားဖြည့်တင်းရန် ဆန္ဒရှိနေပြီး ရီးယဲလ်မက်ဒရစ်အသင်းမှ ဘရာဇီးလ်ကွင်းလယ်ကစားသမား ကက်စီမီရိုအား ခေါ်ယူပြီးနောက် ယခုအခါ စပိန်တောင်ပံကစားသမား အဆန်စီယိုကိုပါ ခေါ်ယူရန် စီစဉ်လာခြင်းဖြစ်သည်။
အသက် ၂၆ နှစ်အရွယ်ရှိ အဆန်စီယိုသည် ၂၀၂၃ ဇွန် ၃၀ ရက်တွင် ရီးယဲလ်အသင်းနှင့် စာချုပ်သက်တမ်းကုန်ဆုံးမည်ဖြစ်ပြီး ယခုနွေရာသီတွင် အသင်းမှထွက်ခွာရန် စီစဉ်နေသူဖြစ်သည်။
အဆန်စီယိုအနေဖြင့် အသင်းမှထွက်ခွာလိုနေကြောင်း ရီးယဲလ်အသင်းနည်းပြဖြစ်သူ အန်ဆယ်လော့တီ ကိုယ်တိုင် အတည်ပြုထားပြီး ၎င်းကိုခေါ်ယူရန် အင်္ဂလန်နှင့် အီတလီကလပ်အသင်းများစွာက စိတ်ဝင်စားနေကြကြောင်း သိရသည်။
Relevo ၏ ဖော်ပြချက်အရ မန်ယူအသင်းသည် အဆန်စီယိုအတွက် ရီးယဲလ်အသင်းထံ ပေါင် (၂၃.၅)သန်းဖြင့် ကမ်းလှမ်း ရန် ပြင်ဆင်နေကြောင်း သိရသည်။
အဆန်စီယိုသည် ပြီးခဲ့သည့်ရာသီက ရီးယဲလ်အသင်းတွင် အရန်အဖြစ်သာ ကစားခဲ့ရသဖြင့် ပုံမှန်ပွဲထွက်ခွင့်ရမည့် အသင်းသို့ ပြောင်းရွှေ့လိုနေခြင်းဖြစ်သည်။ မန်ယူအသင်းအနေဖြင့် ကက်စီမီရိုအား ခေါ်ယူထားရာ အဆန်စီယိုမှာလည်း ၎င်းနောက်လိုက်ဖွယ်ရှိသည်ဟု Relevo က ဖော်ပြခဲ့သည်။
