အာဆင်နယ်အသင်းသည် အင်္ဂလန်လိဂ်ဖလား (Carabao Cup) ဒုတိယအဆင့်တွင် ပရီးမီးယားလိဂ်မှ တန်းဆင်းသွားခဲ့ရသည့် ဝက်စ်ဘရွန်းအသင်းနှင့် အဝေးကွင်းပွဲ ယှဉ်ပြိုင်ရမည်ဖြစ်ကြောင်း သိရသည်။
လိဂ်ဖလားဒုတိယအဆင့်မှာ ပထမအဆင့်မှ တက်ရောက်လာသောအသင်း (၃၅)သင်း၊ လိဂ်ချန်ပီယံရှစ်မှ (၂)သင်းနှင့် ပရီးမီးယားလိဂ်မှ ဥရောပဝင်ခွင့်မရရှိသော အသင်း (၁၃)သင်း စုစုပေါင်းအသင်း (၅၀) ယှဉ်ပြိုင်ရခြင်းဖြစ်သည်။
အာဆင်နယ်အသင်းသည် ပြီးခဲ့သည့်ရာသီက ပရီးမီးယားလိဂ်တွင် အဆင့် (၈)သာ ရရှိပြီး ဥရောပဝင်ခွင့်နှင့် လွဲချော်ခဲ့သည့်အတွက် ယခုအဆင့်ကတည်းက စတင်ယှဉ်ပြိုင်ရခြင်းဖြစ်သည်။
လိဂ်ဖလားဒုတိယအဆင့်၌ ပရီးမီးယားလိဂ်အသင်းအချင်းချင်းဆုံတွေ့သည့်ပွဲ (၂)ပွဲပါဝင်ခဲ့ပြီး နယူးကာဆယ် – ဘန်လေ၊ ဝက်ဖို့ဒ် – ခရစ္စတယ်ပဲလေ့စ်တို့ဖြစ်သည်။
လိဂ်ဖလားဒုတိယအဆင့်ါပွဲစဉ်များကို သြဂုတ်လ(၂၄၊ ၂၅)ရက်များတွင် ယှဉ်ပြိုင်ကစားရမည်ဖြစ်ကြောင်း သိရသည်။
ပရီးမီးယားလိဂ်အသင်းများ၏ လိဂ်ဖလားပွဲစဉ်များ
နယူးကာဆယ် - ဘန်လေ
ဟတ်ဒါဖီးလ် - အဲဗာတန်
နော်တင်ဟမ် - ဝုလ်ဗ်
လိဒ်စ် - ခရူဝီ
ဘာရိုး - အက်စတွန်ဗီလာ
ဘရန့်ဖို့ဒ် - ဖောရက်စ်ဂရင်းရိုဗာစ်
ဝက်စ်ဘရွန်း - အာဆင်နယ်
နောဝစ်ချ် - ဘုန်းမောက်
ကာဒစ်ဖ် - ဘရိုက်တန်
နယူးပို့တ် - ဆောက်သမ်တန်
ဝက်ဖို့ဒ် - ခရစ္စတယ်ပဲလေ့စ်
