အင်တာမိုင်ယာမီသို့ မက်ဆီ ပြောင်းမည်ကို မိမိ သိထားခဲ့သည်ဟု ပီကေး ဆို

ဘာစီလိုနာအသင်း၏ ကစားသမားဟောင်းဖြစ်သည့် စပိန်နောက်ခံလူ ပီကေးက အသင်းဖော်ဟောင်း မက်ဆီအနေဖြင့် မေဂျာလိဂ်ကလပ် အင်တာမိုင်ယာမီအသင်းသို့ ပြောင်းရွှေ့မည်ကို မိမိသိထားခဲ့သည်ဟု ပြောကြားခဲ့သည်။ 

ပြီးခဲ့သည့် ၂၀၂၂-၂၃ ရာသီကုန်တွင် PSG အသင်းနှင့် စာချုပ်သက်တမ်းကုန်ဆုံးခဲ့သည့် မက်ဆီသည် ကနဦးက ဘာစီလိုနာသို့ ပြန်လာမည်ဟု သတင်းထွက်ခဲ့သူဖြစ်သည်။ 

သို့သော် မက်ဆီသည် ဥရောပဘောလုံးကို ကျောခိုင်းပြီး အမေရိကန် မေဂျာလိဂ်ကလပ် အင်တာမိုင်ယာမီအသင်းထံသို့ ပြောင်းရွှေ့ခဲ့ခြင်းဖြစ်သည်။ 

ပီကေးက “သူ အင်တာမိုင်ယာမီကို သွားနိုင်တယ်လို့ ကျွန်တော် တွေးမိခဲ့ပါတယ်။ ဒါပေမဲ့ ဘာစီလိုနာအသင်းကို ပြန်ရောက်နိုင်တဲ့ အခြေအနေလည်း ရှိခဲ့ပါတယ်။ မိုင်ယာမီက လူနေမှုဘဝအတွက်လည်း ကောင်းမွန်တာကြောင့် သူ ရွေးချယ်ခဲ့တာဖြစ်မှာပါ။ ဒါဟာ မေဂျာလိဂ်ကို ပိုပြီးဖွံ့ဖြိုးတိုးတက်စေမယ့် ရွေးချယ်မှုလည်း ဖြစ်ခဲ့ပါတယ်”ဟု ပြောကြားခဲ့သည်။