ပြင်သစ်ထိပ်သီး PSG အသင်းသည် ရီးယဲလ်ကွင်းလယ်လူ ဟာမီးစ်ရိုဒရီဂွက်ဇ်အား ခေါ်ယူရန် စီစဉ်နေကြောင်း သိရသည်။
အသက် (၂၉)နှစ်အရွယ်ရှိ ကိုလံဘီယာကွင်းလယ်လူ ဟာမီးစ်ရိုဒရီဂွက်ဇ်သည် ရီးယဲလ်အသင်းတွင် နည်းပြ ဇီဒန်းနှင့် ဆက်ဆံရေး အဆင်မပြေဟု သတင်းများထွက်ပေါ်နေသူဖြစ်သည်။
ထို့ကြောင့် ရီးယဲလ်အသင်းသည် ဟာမီးစ်ရိုဒရီဂွက်ဇ်အား ယခုနွေရာသီအပြောင်းအရွှေ့ကာလတွင် ရောင်းထုတ်ရန် စီစဉ်နေပြီး ၎င်းကို ခေါ်ယူရန် မန်ယူနှင့် အဲဗာတန်အသင်းတို့က စိတ်ဝင်စားနေကာ ယခုအခါ PSG အသင်းပါ ပါဝင်လာခြင်းဖြစ်သည်။
ပြင်သစ်သတင်းစာ Le10Sport ၏ ဖော်ပြချက်အရ PSG အသင်းသည် ဟာမီးစ်ရိုဒရီဂွက်ဇ်၏ အေးဂျင့်ဖြစ်သူ ဂျော့ချ်မန်ဒက်စ်နှင့် ရင်းနှီးသည့်ဆက်ဆံရေးရှိပြီး ဟာမီးစ်ရိုဒရီဂွက်ဇ်ကို အရခေါ်ယူနိုင်မည်ဟု ယုံကြည်နေကြောင်း သိရသည်။
ရီးယဲလ်အသင်းသည် ဟာမီးစ်ရိုဒရီဂွက်ဇ်အတွက် ယူရို (၃၅)သန်းအလိုရှိနေပြီး PSG အသင်းက အဆိုပါပမာဏကို ပေးချေရန်အသင့်ရှိနေကြောင်းလည်း Le10Sport က ဖော်ပြခဲ့သည်။
ဟာမီးစ်ရိုဒရီဂွက်ဇ်သည် ရီးယဲလ်အသင်းအတွက် ယခုရာသီ ပြိုင်ပွဲစုံ (၂၈)ပွဲသာ ပါဝင်ကစားခွင့်ရခဲ့ပြီး (၇)ဂိုး သွင်းယူပေးခဲ့သည်။
