လူငယ်ကြယ်ပွင့်ကစားသမားများဖြစ်သည့် မာတင်နယ်လီ၊ ဆာကာနှင့် ဆာလီဘာတို့ကို စာချုပ်သစ်ချုပ်ဆိုရန် အာဆင်နယ်အသင်း စီစဉ်

အာဆင်နယ်အသင်းသည် အသင်း၏ လူငယ်ကြယ်ပွင့်ကစားသမားများဖြစ်သည့် တိုက်စစ်မှူး မာတင်နယ်လီ၊ တောင်ပံကစားသမား ဆာကာနှင့် နောက်ခံလူ ဆာလီဘာတို့ကို စာချုပ်သစ်ချုပ်ဆိုရန် စီစဉ်နေကြောင်း သိရသည်။

အဆိုပါလူငယ်ကြယ်ပွင့် ကစားသမား (၃)ဦးစလုံးသည် ၂၀၂၄ ခုနှစ်တွင် အာဆင်နယ်အသင်းနှင့် စာချုပ်သက်တမ်းကုန်ဆုံးမည်ဖြစ်ပြီး ယခုအခါ အသင်းတာဝန်ရှိသူများက ၎င်းတို့ကို နှစ်ရှည်စာချုပ်သစ်ချုပ်ဆိုရန် စီစဉ်နေခြင်းဖြစ်သည်။

၎င်းတို့ (၃)ဦးစလုံးသည် ယခုရာသီတွင် အာဆင်နယ်အတွက် ခြေစွမ်းပြနေသူများဖြစ်သည်။