လူကာကူရောက်ရှိလာပြီးနောက် ပရီးမီးယားလိဂ်ပြိုင်ပွဲ၏ နွေရာသီအသုံးစရိတ် ပေါင်တစ်ဘီလျံနီးပါးရှိလာ

ချယ်လ်ဆီးအသင်းသို့ လူကာကူရောက်ရှိလာပြီးနောက် ပရီးမီးယားလိဂ်ပြိုင်ပွဲ၏ ယခုနွေရာသီ အသုံးစရိတ်မှာ ပေါင်တစ် ဘီလျံနီးပါးရှိလာပြီဖြစ်ကြောင်း သိရသည်။ COVID-19 ရောဂါ၏ အကျိုးသက်ရောက်မှုကြောင့် ကမ္ဘာတစ်ဝန်းရှိ ကလပ်အသင်းများ စီးပွားရေးအကျပ်အတည်း ရင်ဆိုင်နေရသော်လည်း ပရီးမီးယားလိဂ်ပြိုင်ပွဲ၏ နွေရာသီအသုံးစရိတ်မှာ အပြောင်းအရွှေ့ပြီးဆုံးရန် နှစ်ပတ်ကျော် လိုသေးချိန်တွင် ပေါင် ၉၉၄ ဒသမ ၇ သန်းအထိ ရှိနေပြီဖြစ်သည်။

လူကာကူရောက်ရှိလာပြီးနောက် ပရီးမီးယားလိဂ်ပြိုင်ပွဲ၏ ယခုနွေရာသီ အသုံးစရိတ်မှာ ပေါင်တစ် ဘီလျံနီးပါးရှိလာပြီဖြစ်ကြောင်း သိရသည်။ COVID-19 ရောဂါ၏ အကျိုးသက်ရောက်မှုကြောင့် ကမ္ဘာတစ်ဝန်းရှိ ကလပ်အသင်းများ စီးပွားရေးအကျပ်အတည်း ရင်ဆိုင်နေရသော်လည်း ပရီးမီးယားလိဂ်ပြိုင်ပွဲ၏ နွေရာသီအသုံးစရိတ်မှာ အပြောင်းအရွှေ့ပြီးဆုံးရန် နှစ်ပတ်ကျော် လိုသေးချိန်တွင် ပေါင် ၉၉၄ ဒသမ ၇ သန်းအထိ ရှိနေပြီဖြစ်သည်။

ယခုနွေရာသီ တွင် ဥရောပထိပ်သီးလိဂ်ငါးခု၏ အသုံးစရိတ်မှာ ပေါင် ၁ ဒသမ ၈၆ ဘီလျံရှိပြီး ပရီးမီးယားလိဂ်တစ်ခုတည်းက စုစုပေါင်းပမာဏ၏ ၅၃ ရာခိုင်နှုန်းကျော် အသုံးပြုထားခြင်းဖြစ်သည်။ ပရီးမီးယားလိဂ်ပြီးလျှင် ဘွန်ဒစ်လီဂါပြိုင်ပွဲက ပေါင် ၅၁၀ ဒသမ ၇ သန်း၊ စီးရီးအေပြိုင်ပွဲက ပေါင် ၄၆၁ ဒသမ ၂ သန်း၊ လီဂူး-၁ ပြိုင်ပွဲက ပေါင် ၃၈၈ ဒသမ ၁ သန်းနှင့် လာလီဂါပြိုင်ပွဲ က ပေါင် ၂၁၁ သန်း အသုံးပြုထားသည်။

လူကာကူသည် ဆုကြေးအပါအဝင် တစ်ပတ်လစာ ပေါင်လေးသိန်းခွဲရရှိမည်ဖြစ်ပြီး ပရီးမီးယားလိဂ်တွင် လစာအများဆုံးကစားသမားအဖြစ် ရပ်တည်နိုင်မည်ဖြစ်ကြောင်းလည်း သိရသည်။ ချယ်လ်ဆီးအသင်းသည် အသက် ၂၈ နှစ်အရွယ် ဘယ်လ်ဂျီယံလက်ရွေးစင်တိုက်စစ်မှူး လူကာကူကို အပြီးသတ်ခေါ်ယူနိုင်ပြီ ဖြစ်ကြောင်း ကြာသပတေးနေ့ ညပိုင်းတွင် အတည်ပြုထုတ်ပြန်ခဲ့ခြင်းဖြစ်သည်။

၎င်းနှင့် ၂၀၂၆ ခုနှစ်အထိ သက်တမ်းရှိသည့် ငါးနှစ် စာချုပ် ချုပ်ဆိုထားကြောင်း ချယ်လ်ဆီး အသင်းက ထုတ်ပြန်ခဲ့ပြီး ပြောင်းရွှေ့ကြေးကို ဖော်ပြခြင်းမရှိသော်လည်း ကလပ်စံချိန်တင် ပြောင်းရွှေ့ကြေး ပေါင် ၉၇ ဒသမ ၅ သန်း (ယူရို ၁၁၅ သန်း) ပေးချေခဲ့ရကြောင်း ဗြိတိန် မီဒီယာများစွာက ဖော်ပြခဲ့သည်။

လူကာကူ၏ ပြောင်းရွှေ့ကြေးမှာ မန်စီးတီးအသင်းသို့ ပေါင်သန်း ၁၀၀ ဖြင့် ရောက်ရှိလာသည့် ဂရီးလစ်ရှ်ပြီးလျှင် ဗြိတိန်တွင် ဒုတိယအမြင့်ဆုံး နှင့် ကမ္ဘာတစ်ဝန်း ပြောင်းရွှေ့ကြေးအမြင့်ဆုံး စာရင်း၌ အဆင့် ၇ အဖြစ် မှတ်တမ်းဝင်သွား ပြီဖြစ်သည်။

ထို့ပြင် လူကာကူသည် ချယ်လ်ဆီး အသင်းတွင် ပုံရိပ်အသုံးပြုခနှင့် အပိုဆုကြေး အပါအဝင် တစ်ပတ်လစာ ပေါင် ၃၂၅၀၀၀ မှ ပေါင် ၄၅၀၀၀၀ အထိ ရရှိမည်ဖြစ်ရာ ချယ်လ်ဆီးအသင်းအပြင် ပရီးမီးယားလိဂ်၌ပါ လစာအမြင့်ဆုံးကစားသမားဖြစ်လာကြောင်း သိရသည်။ ၎င်းင်းအနေဖြင့် ချယ်လ်ဆီး အသင်းတွင် လက်ရှိလစာအမြင့်ဆုံးဖြစ်သည့် ပြင်သစ်ကွင်းလယ်လူ ကွန်တေ၏ တစ်ပတ် လစာ ပေါင် ၂၉၀၀၀၀ ထက် ပိုရမည်ဖြစ်သလို ပရီးမီးယားလိဂ် လစာအများဆုံးကစား သမားဖြစ်သည့် မန်စီးတီးအသင်းကွင်းလယ်လူ ဒီဘရိုင်းနား၏ ပေါင် ၃၈၅၀၀၀ ကိုကျော်၍ ထိပ်ဆုံးနေရာ ရောက်ရှိလာမည်ဖြစ်သည်။