ဘိုင်ယန်မြူးနစ်အသင်းသည် အသင်းတိုက်စစ်မှူး လီဝန်ဒေါစကီးအတွက် ဘာစီလိုနာအသင်း၏ ဒုတိယအကြိမ်မြောက် ကမ်းလှမ်းမှုကို ပယ်ချခဲ့ကြောင်း စပိန်အား ကစားသတင်းစာ Sport က ဖော်ပြခဲ့သည်။
အသက် ၃၃ နှစ်အရွယ်ရှိ ပိုလန်ဝါရင့်တိုက်စစ်မှူး လီဝန်ဒေါစကီးသည် ၂၀၂၃ ခုနှစ်တွင် မှ ဘိုင်ယန်မြူးနစ်အသင်းနှင့် စာချုပ်သက်တမ်းကုန်ဆုံးမည်ဖြစ်သော်လည်း ယခုနွေ တွင် အသင်းမှထွက်ခွာလိုကြောင်း အခိုင်အမာပြောဆိုထားသူဖြစ်သည်။
ဘာစီလိုနာအသင်းသည် လီဝန်ဒေါစကီးအတွက် ပထမအကြိမ်အဖြစ် ယူရိုသန်း ၃၀ ဖြင့် ကမ်းလှမ်းခဲ့ရာ ပယ်ချခံခဲ့ရသဖြင့် ဒုတိယအကြိမ်အဖြစ် ယူရိုသန်း ၃၂ + Add-ons (ယူရို ၅ သန်း) ဖြင့် ကမ်းလှမ်းခဲ့သော်လည်း ထပ်မံပယ်ချခံရခြင်းဖြစ်သည်။
ဘိုင်ယန်မြူးနစ်အသင်းသည် လီဝန်ဒေါစကီးအတွက် ယူရိုသန်း ၄၀ အလိုရှိနေကြောင်း သိရသည်။
