ဘိုင်ယန်မြူးနစ်အသင်းကွင်းလယ်ကစားသမား ဂရာဗန်ဘက်ချ်သည် လီဗာပူးအသင်းနှင့် ပုဂ္ဂိုလ်ရေးသဘောတူညီမှု ရရှိပြီ ဖြစ်သည်။ ဂရာဗန်ဘက်ချ်သည် ပုံမှန်ပွဲကစားခွင့် ရလိုခြင်းကြောင့် အသင်းပြောင်းခြင်းဖြစ်သည်။
လီဗာပူးသည် ပြောင်းရွှေ့ကြေးပေါင် ၃၅ သန်းခန့်ဖြင့် ဂရာဗန်ဘက်ချ်အတွက်သဘောတူညီမှု ရရှိနိုင်ရန်မျှော်လင့်နေသည်။ ဂရာဗန်ဘက်ချ်သည် ၂၀၂၂ တွင် ဟော်လန်ကလပ် အိုင်းယက်စ်မှ ဘိုင်ယန်သို့ ရောက်ရှိလာခြင်းဖြစ်ပြီး ဘိုင်ယန်သည် ဂရာဗန်ဘက်ချ်ကို အကြီးအကျယ်ခြေစွမ်းပြနိုင်မည်ဟုယူဆကာခေါ်ယူခဲ့ခြင်းဖြစ်သည်။
သို့ရာတွင် အသက် ၂၁ နှစ်အရွယ်ရှိ ဂရာဗန်ဘက်ချ်သည် ပြီးခဲ့သည့် ၁၂ လအတွင်းတွင် ဘိုင်ယန်အတွက် ထင်သလောက်ခြေစွမ်းပြနိုင်ခြင်းမရှိဖြစ်ခဲ့ရသည်။ ဂရာဗန်ဘက်ချ်သည် ဂျာမန်ကလပ်ကို စွန့်ခွာလိုနေပြီး လီဗာပူးသို့ ပြောင်းရွှေ့ရန် စိတ်အားထက်သန်နေကြောင်း လီဗာပူးနှင့် ဘိုင်ယန်ကြားတွင်မူ ပြောင်းရွှေ့ကြေးသဘောတူညီချက်မရရှိသေးကြောင်း သတင်းများက ဆက်လက်ဖော်ပြသည်။
