ဝက်စ်ဟမ်းအသင်းသည် လိုင်ယွန်အသင်းမှ ဘရာဇီးလ်လက်ရွေးစင်ကွင်းလယ်လူ ပါကေတာကို ခေါ်ယူပြီးနောက် ယခုနွေရာသီကာလအတွင်း ကစားသမားသစ်ခေါ်ယူမှု အသုံးစရိတ်သည် ကလပ်စံချိန်တင်အဖြစ် ပေါင် သန်း ၁၆၀ ကျော်အထိ ရှိလာပြီဖြစ် ကြောင်း သိရသည်။
ဝက်စ်ဟမ်းအသင်းသည်း ပါကေတာကို ကလပ်စံချိန်တင်ပြောင်းရွှေ့ကြေးဖြင့် ခေါ် ယူခဲ့ခြင်းဖြစ်ပြီး ကနဦးပြောင်းရွှေ့ကြေးအ ဖြစ် ပေါင် ၃၈ ဒသမ ၆၆ သန်း ပေးချေရမည် ဖြစ်ကာ Add-ons ကြေးအပါအဝင် ပေါင် ၅၁ ဒသမ ၂ သန်းရှိမည်ဖြစ်သည်။ ထို့ကြောင့် ပါကေတာအနေဖြင့် ၂၀၁၉ ခုနှစ်က ဖရန့် ဖတ်အသင်းမှ အိုင်ဗရီကို့စ်တိုက်စစ်မှူး ဟယ်လာကို ခေါ်ယူစဉ် ပေးချေရသည့် ပေါင် ၄၅ သန်းကို ကျော်ဖြတ်ကာ စံချိန်သစ်တင်နိုင်ခဲ့သည်။
အသက် ၂၅ နှစ်ရှိ ပါကေတာသည် ဝက်စ်ဟမ်းအသင်းနှင့် ၂၀၂၇ ခုနှစ်အထိ စာချုပ်ချုပ်ဆိုခဲ့ပြီး တစ်နှစ်သက်တမ်းတိုးခွင့်ရှိသည့်အချက်ကိုလည်း ထည့်သွင်းခဲ့သည်။ ပါကေတာကို ခေါ်ယူရန် နွေရာသီအစောပိုင်း ကာလများတွင် အာဆင်နယ်အသင်းကလည်း စိတ်ဝင်စားခဲ့ပြီးမှ နောက်ဆုတ်သွားခဲ့ခြင်းဖြစ်ပြီး ယခုအခါ မြို့ခံပြိုင်ဘက် ဝက်စ်ဟမ်းအသင်းက ခေါ်ယူနိုင်ခဲ့ခြင်းဖြစ်သည်။
ဝက်စ်ဟမ်းအသင်းသည် ယခုနွေရာသီ ကာလအတွင်း ကစားသမားသစ် ရှစ်ဦး ခေါ် ယူမှုအတွက် ပေါင် ၁၆၃ ဒသမ ၈၁ သန်းအထိ သုံးစွဲထားပြီးဖြစ်ကြောင်း သိရသည်။ ယခု ခေါ်ယူခဲ့သည့် ပါကေတာအပြင် ဆာဆူအိုလိုတိုက်စစ်မှူး ဆကာမာကာကို ပေါင် ၃၂ ဒသမ ၄ သန်း၊ ရန်းစ်နောက်ခံလူ အာဂယ်ကို ပေါင် ၃၁ ဒသမ ၅ သန်း၊ ဘန်လေတောင်ပံ ကစားသမား ကော်နတ်ကို ပေါင် ၁၈ ဒသမ ၆၃ သန်း၊ ချယ်လ်ဆီးနောက်ခံလူ အီမာဆန်ကို ပေါင် ၁၃ ဒသမ ၈၆ သန်း၊ PSG နောက်ခံ လူ ကယ်ဟာကို ပေါင် ၁၀ ဒသမ ၈ သန်း၊ ဆွမ်ဆီးကွင်းလယ်လူ ဖလင်းဒေါင်းစ်ကို ပေါင် ၉ ဒသမ ၅၉ သန်း၊ PSG ဂိုးသမား အာရီယို လာကို ပေါင် ၈ ဒသမ ၃၇ သန်းဖြင့် အပြီး သတ် ခေါ်ယူခဲ့ခြင်းဖြစ်သည်။
ဝက်စ်ဟမ်းအနေဖြင့် ကစားသမားရောင်းချမှုမှ နောက်ခံလူ အစ်ဆာဂျော့ပ်ကို ဖူလ်ဟမ်အသင်းထံရောင်းချခဲ့သည့် ပေါင် ၁၆ ဒသမ ၀၂ သန်းသာရှိပြီး အသားတင်အသုံးစရိတ် ပေါင် ၁၄၅ သန်းဝန်းကျင် ရှိနေသည်။
