လီဗာပူးလ်အသင်း၏နည်းပြ ယာဂန်ကလော့ပ်က ပရိသတ်များအား လိင်ခွဲခြားလှောင်ပြောင်မှုမပြုလုပ်ရန် တိုက်တွန်းခဲ့ပြီး ယင်းကဲ့သို့ အော်ဟစ်လှောင်ပြောင်သံများကို ထပ်မကြားလိုကြောင်း ပြောကြားခဲ့သည်။
လီဗာပူးလ်ပရိသတ်များသည် နောဝစ်ချ်နှင့်ပွဲတွင် ပြိုင်ဘက်ကစားသမား ဂယ်လ်မော်ကို လိင်ခွဲခြားလှောင်ပြောင်သည့်သီချင်း သီဆိုခဲ့ခြင်းကြောင့် ကလော့ပ်က ပြောကြားခဲ့ခြင်းလည်းဖြစ်သည်။
လီဗာပူးလ်အသင်းကို အားပေးနေသည့် ပရိသတ်များထဲတွင် LGBT+ ပရိသတ်အဖွဲ့လည်း ရှိနေပြီး ယင်းအဖွဲ့ကို တည်ထောင်သူ ပေါလ်အာမန်းသည် ယာဂန်ကလော့ပ်နှင့် တွေ့ဆုံဆွေးနွေးခဲ့ကြောင်းလည်း သိရသည်။
