ရှေ့လာမည့်ဧပြီ (၂၅)ရက်နေ့တွင် ကစားမည်ဖြစ်သော လိဂ်ဖလားဗိုလ်လုပွဲမတိုင်မီ ဗြိတိန်ရှိ ကျန်းမာရေးဝန်ထမ်းများကို ဂုဏ်ပြုသည့်အနေဖြင့် NHS ဂုဏ်ပြုသီချင်းကို ကွင်းအတွင်း ပရိုဂျက်တာဖြင့်ဖွင့်ကာ ပြသသွားမည် ဖြစ်ကြောင်း သိရှိရသည်။
စပါးအသင်းနှင့် မန်စီးတီးအသင်းတို့ကစားမည့် ယင်းဗိုလ်လုပွဲကို လန်ဒန်မြို့ရှိ ဝင်ဘလေကွင်းတွင် ကျင်းပမည်ဖြစ်ပြီး ယင်းပွဲ၌ NHS မှ ဝန်ထမ်းများကို အသိအမှတ်ပြု/ဂုဏ်ပြုသည့်အစီအစဉ်များ ပြုလုပ်ရန် စီစဉ်နေခြင်းဖြစ်သည်။
စပါးအသင်းနှင့် မန်စီးတီးအသင်းတို့ဝတ်ဆင်မည့် အကျႌများအပေါ်တွင်လည်း ”Thank Yu NHS” စာသားပါတံဆိပ်များ တပ်ဆင်သွားမည်ဖြစ်ကြောင်း သိရှိရသည်။
ကိုရိုနာဗိုင်းရပ်စ်ကပ်ဆိုးကာလအတွင်း ကျန်းမာရေးဝန်ဆောင်မှုပေးကြသော ဆရာဝန်များနှင့် ကျန်းမာရေးဝန်ထမ်းများကို ကျေးဇူးတုံ့ပြန်သည့်အနေဖြင့် ယင်းအစီအစဉ်များ ပြုလုပ်နေခြင်းဖြစ်သည်။
