QPR – အဲဗာတန် (ဗုဒ္ဓဟူးနံနက် ၁း၁၅ နာရီ)
အဲဗာတန်အသင်း ပရီးမီးယားလိဂ်မှာ ရှုံးပွဲစတွေ့ခဲ့ပေမဲ့ အခုပွဲအပေါ် သက်ရောက်မှုနည်းပါလိမ့်မယ်။ အသင်းရဲ့ကစားဟန် ယုံကြည်မှုတစ်ခုကိုတည်ဆောက်နိုင်ဖို့လည်း ဖလားပွဲတွေမှာ နိုင်ပွဲတွေလိုအပ်ပါတယ်။ အဝေးကွင်းပေမယ့် အဲဗာတန်တို့ QPR ကိုတော့ အနိုင်ကစားမှာပါ။
နောဝစ်ချ် – လီဗာပူးလ် (ဗုဒ္ဓဟူးနံနက် ၁း၁၅ နာရီ)
လီဗာပူးလ်အသင်းက ကလော့ပ်လက်ထက်မှာ အစောပိုင်းနှစ်တွေလောက်ပဲ လိဂ်ဖလားကို အလေးထားယှဉ်ပြိုင်ခဲ့ပြီး နောက်ပိုင်းနှစ်တွေမှာ သိပ်အာရုံမစိုက်တော့တာ တွေ့ရတယ်။ ပြိုင်ပွဲနောက်ဆုံး(၄)ကြိမ်မှာ လီဗာပူးလ်အသင်း ကွာတားဖိုင်နယ်တစ်ကြိမ်သာ အမြင့်ဆုံးရောက်ရှိခဲ့တာပါ။ အခုပွဲမှာလည်း ကလော့ပ်က အရန်ကစားသမားတွေကို ပွဲထုတ်ကစားမှာ သေချာသလောက်ရှိနေတယ်။ နောဝစ်ချ်အသင်းကလည်း ပရီးမီးယားလိဂ်မှာ (၅)ပွဲဆက်ရှုံးထားလို့ လိဂ်ဖလားပြိုင်ပွဲကို ခေါင်းထဲထည့်နိုင်မယ်မထင်ဘူး။ လီဗာပူးလ်ပဲ အနိုင်ကစားဖို့များတယ်။
ဖူလ်ဟမ် – လိဒ်စ် (ဗုဒ္ဓဟူးနံနက် ၁း၁၅ နာရီ)
ဖူလ်ဟမ်က ပရီးမီးယားလိဂ်တန်းတက်ခွင့်ဘက်ကိုပဲ အာရုံရောက်နေနိုင်တယ်။ လိဒ်စ်အသင်း လူစုံမထုတ်နိုင်ပေမဲ့ မိနစ် (၉၀)အတွင်းတော့ မရှုံးတာသေချာတယ်။
မန်စီးတီး – ၀ိုင်ကမ်ဘီ(ဗုဒ္ဓဟူးနံနက် ၁း၁၅ နာရီ)
လိဂ်ဖလား(၄)နှစ်ဆက်ချန်ပီယံ မန်စီးတီးအသင်းက အစောပိုင်းအဆင့်တွေမှာ အနိုင်ရရုံလောက်ပဲကစားတာ မကြာခဏတွေ့ရလေ့ရှိတယ်။ ဒါပေမဲ့ ပြိုင်ဘက် ၀ိုင်ကမ်ဘီနဲ့က အဆင့်ချင်း အတော်ကွာခြားနေလို့ မန်စီးတီးဘက်ကပဲ ရပ်တည်သင့်တယ်။
ဝက်ဖို့ဒ် – စတုတ်စီးတီး (ဗုဒ္ဓဟူးနံနက် ၁း၁၅ နာရီ)
တန်းမဆင်းရရေး အဓိကပစ်မှတ်ထားနေတဲ့ ဝက်ဖို့ဒ်ထက် လိဂ်ချန်ပီယံရှစ်ကလပ် စတုတ်ကိုပဲ ရွေးသင့်တယ်။
