လီဗာပူးလ် နှင့် အာဆင်နယ်နှစ်သင်းစလုံးက အရန်ကစားသမားအများစုနဲ့ ပွဲထွက်လာဖို့ သေချာသလောက်ပါပဲ။ အရန်အင်အားချင်းယှဉ်ရင် အာဆင်နယ်အသင်းရဲ့ကစားသမားတွေက ပွဲအတွေ့အကြုံပိုများပါတယ်။
ဘရန့်ဖို့ဒ် နှင့် ဖူလ်ဟမ် (ကြာသပတေးည ၁၁း၀၀ နာရီ)
ပရီးမီးယားလိဂ်ကလပ် ဆောက်သမ်တန်၊ ဝက်စ်ဘရွန်း အသင်းတွေကို အဝေးကွင်းမှာ အနိုင်ယူထားတဲ့ ဘရန့်ဖို့ဒ်ကို သိပ်လျှော့တွက်လို့မရဘူး။ ဖူလ်ဟမ် လူမစုံနိုင်လို့ ဘရန့်ဖို့်ဒ်အသင်း မိနစ်(၉၀)အတွင်း ရှုံးဖို့တော့မရှိပါဘူး။
အက်စတွန်ဗီလာ နှင့် စတုတ်စီးတီး (သောကြာနံနက် ၀၀း၃၀ နာရီ)
စတုတ်စီးတီးအသင်းက ဒုတိယအဆင့်မှာ ဝုလ်ဗ်ကို အဝေးကွင်းမှာ ကျော်ဖြတ်လာတဲ့အသင်းပါ။ ဗီလာကလည်း လိဂ်ဖလားပွဲမှာ ဖိဖိစီးစီးကစားတတ်ပါတယ်။ လိဂ်ချန်ပီယံရှစ်ကလပ်ကို ဗီလာ အနိုင်ယူမှာသေချာပါတယ်။
လီဗာပူးလ် နှင့် အာဆင်နယ် (သောကြာနံနက် ၁း၁၅ နာရီ)
နှစ်သင်းစလုံးက အရန်ကစားသမားအများစုနဲ့ ပွဲထွက်လာဖို့ သေချာသလောက်ပါပဲ။ အရန်အင်အားချင်းယှဉ်ရင် အာဆင် နယ်အသင်းရဲ့ကစားသမားတွေက ပွဲအတွေ့အကြုံပိုများပါတယ်။ ပြီးခဲ့တဲ့ရာသီတုန်းကလည်း လိဂ်ဖလားပြိုင်ပွဲ အခုအဆင့်မှာပဲ ဆုံတွေ့ခဲ့ပြီး အာဆင်နယ်အသင်းက တောက်လျှောက်နီးပါး ဦးဆောင်ခဲ့ပြီးမှ ပယ်နယ်တီအဆုံးအဖြတ်နဲ့ အရေးနိမ့်ခဲ့တာဖြစ်တယ်။ လီဗာပူးလ်အသင်းတိုက်စစ်ပိုင်းသာ အရန်တွေနဲ့ ပွဲထွက်လာရင် အာဆင်နယ်အသင်းက အန်ကယ်တီယာ၊ ပေပေနဲ့ ရီးစ်နယ်လ်ဆင်တို့က လုပ်ရည်ကိုင်ရည်ပိုကောင်းပါတယ်။ အန်ဖီးလ်ကွင်းဖြစ်ပေမယ့် လီဗာပူးလ်အသင်း ဂိုးပြတ်မနိုင်လောက်လို့ အာဆင်နယ်ကိုပဲ ပိုကြိုက်တယ်။
