ဘလိုင်ဒေါ့စ်ကွင်းက ဘာစီလိုနာအတွက် အဝေးကွင်းပွဲကျပ်တစ်ပွဲလို့ပြောနိုင်တယ်။ ဘလိုင်ဒေါ့စ်မှာ တွေ့ဆုံတဲ့ နောက်ဆုံး (၃)ပွဲစလုံး ဘာစီလိုနာ အနိုင်မရခဲ့ဘူး။ အဲဒီပွဲတွေမှာလည်း ဆယ်လ်တာဗီဂိုကို တစ်ပွဲ (၂)ဂိုးနှုန်း ပုံမှန်ပေးခဲ့ရတယ်။
ဘီလ်ဘာအို နှင့် ကာဒစ်ဇ် (ကြာသပတေးည ၁၁း၃၀ နာရီ)
အဝေးကွင်းပွဲဦးမှာ တန်းတက်ဖော် ဟွယ်ဆကာကို အနိုင်ရထားပေမယ့် ကာဒစ်ဇ်ရဲ့အနေအထားက ဘီလ်ဘာအိုလို အသင်းကိုတော့ ခြိမ်းခြောက်နိုင်မယ့်ခြေစွမ်းမျိုး မရှိလောက်သေးပါဘူး။ ဘီလ်ဘာအိုကလည်း အိမ်ကွင်းအားနဲ့ ကစားတတ်တဲ့အသင်းမျိုးဖြစ်တဲ့အပြင် အခုပွဲက အိမ်ကွင်းပွဲဦးဆိုတော့ မျက်နှာအပျက်ခံမှာ မဟုတ်ပါဘူး။ ဘီလ်ဘာအိုနဲ့ ဂိုးအနည်းပါပဲ။
ဆီဗီလာ နှင့် လီဗန်တေး (ကြာသပတေးည ၁၁း၃၀ နာရီ)
ဆီဗီလာကတော့ နည်းပြ လိုပယ်တယ်ဟီနဲ့ အတော်လေးကို အသားကျနေပါပြီ။ အသင်းရဲ့ပွဲအပေါ် ချဉ်းကပ်မှု၊ နည်းဗျူဟာပိုင်းကအစ အမှားအယွင်းနည်းပြီး စနစ်တကျပိုရှိလာတာက ဆီဗီလာရဲ့ အားသာချက်လိုလည်းဖြစ်နေတယ်။ ကြားရက်မှာ ကစားခဲ့တဲ့ ဥရောပစူပါဖလားပွဲမှာလည်း ဘိုင်ယန်မြူးနစ်ကို အကောင်းဆုံးတုံ့ပြန်နိုင်ခဲ့တဲ့ခြေစွမ်းက အားရစရာပါ။ အခုလည်း လီဗန်တေးလို ရာသီအစ ခံစစ်ပိုင်းပုံမှန်မရှိသေးတဲ့အသင်းကို အိမ်ရှင် ဆီဗီလာတို့ အနိုင်ယူပါလိမ့်မယ်။ ဂိုးလည်းများမယ်။
ဆယ်လ်တာဗီဂို နှင့် ဘာစီလိုနာ (သောကြာနံနက် ၁း၃၀ နာရီ)
ဘာစီလိုနာအတွက် အဝေးကွင်းပွဲကျပ်တစ်ပွဲလို့ပြောနိုင်တယ်။ ဘလိုင်ဒေါ့စ်ကွင်းမှာ တွေ့ဆုံတဲ့ နောက်ဆုံး (၃)ပွဲစလုံး ဘာစီလိုနာ အနိုင်မရခဲ့ဘူး။ အဲဒီပွဲတွေမှာလည်း ဆယ်လ်တာဗီဂိုကို တစ်ပွဲ (၂)ဂိုးနှုန်း ပုံမှန်ပေးခဲ့ရတယ်။ ဒီတော့ အခုပွဲလည်း ဘာစီလိုနာတို့ ထင်တိုင်းပေါက်ဖို့မလွယ်ပါဘူး။ ပြီးတော့ ဘာစီလိုနာရဲ့ အဝေးကွင်းအပြောင်းအလဲကို မျှော်လင့်မထားရဲသေးတာလည်း အမှန်ပဲ။ ဆယ်လ်တာဗီဂိုနဲ့ ဂိုးအများပဲ ကြိုက်တယ်။
