တိုက်စစ်မှူးကိန်းကို ဂျာမနီသို့သွား၍ ဆေးစစ်ရန်နှင့် အပြောင်းအရွှေ့စာချုပ် ချုပ်ဆိုရန် စပါးအသင်းက ခွင့်ပြုချက်ပေးလိုက်ပြီဖြစ်သည်။ စပါးနှင့် ဘိုင်ယန်တို့သည် ကိန်း၏ အပြောင်းအရွှေ့အတွက် ပေါင် ၉၅ သန်းဖြင့်သဘောတူညီမှု ရရှိခဲ့ခြင်းဖြစ်သည်။
ဘိုင်ယန်သည် ကိန်းကို ခေါ်ယူနိုင်ရန် အချိန်ပေး၍ အကြိမ်ကြိမ်ကမ်းလှမ်းခဲ့ရပြီး ယခုကဲ့သို့ နောက်ဆုံးတစ်ကြိမ်တွင်မှ သဘောတူညီမှု ရရှိခဲ့ခြင်းဖြစ်သည်။ ကိန်းသည် လာမည့်တနင်္လာနေ့မတိုင်မီတွင် မြူးနစ်သို့သွား၍ အပြောင်းအရွှေ့များကို အပြီးသတ်ဆောင်ရွက်မည်ဖြစ်သည်။
၂၀၁၂ တွင်စပါး၌ စတင်ပါဝင်ကစားသော ကိန်းသည် ပရီးမီးယားလိဂ် သွင်းဂိုး ၂၁၃ ဂိုးသွင်းယူထားပြီး ရှီးယားရား၏ သွင်းဂိုး ၂၆၀ ဖြင့်ပရီးမီးယားလိဂ်သွင်းဂိုးအများဆုံးစံချိန်ကို ချိုးလိုသူဖြစ်သည်။
