ချယ်လ်ဆီးအသင်း ပူးတွဲပိုင်ရှင်နှင့် ဥက္ကဋ္ဌဖြစ်သူ တော့ဒ်ဘိုလီသည် လာမည့်ဇန်နဝါရီအပြောင်းအရွှေ့ကာလတွင် မန်ယူဝါရင့်တိုက်စစ်မှူး စီရော်နယ်လ်ဒိုကို ခေါ်ယူရန် ပြန်လည်ကြိုးပမ်းလာဖွယ်ရှိကြောင်း ဗြိတိန်မီဒီယာများက ဖော်ပြနေကြသည်။
တော့ဒ်ဘိုလီသည် ပြီးခဲ့သည့်နွေရာသီက စီရော်နယ်လ်ဒိုကိုခေါ်ယူရန် ကြိုးပမ်းခဲ့သော်လည်း နည်းပြ တူဟယ်လ်၏ကန့်ကွက်မှုကြောင့် အထမမြောက်ခဲ့ပေ။
ယခု အခါ တူဟယ်လ်ကို ရာထူးမှထုတ်ပယ်လိုက်ပြီဖြစ်သည့်အတွက် စီရော်နယ်လ်ဒိုကို ခေါ်ယူရန် ထပ်မံကြိုးပမ်းလာဖွယ်ရှိနေခြင်းဖြစ်သည်။
