ယခုရာသီ ချန်ပီယံလိဂ်ပြိုင်ပွဲအုပ်စုအဆင့်၌ ရီးယဲလ်အသင်းကို အဝေးကွင်းတွင် အနိုင်ကစားခဲ့သော ရှာရစ်ဖ်အသင်း၏ နည်းပြ ဗာနီဒပ်ဘ်သည် ယူကရိန်းကာကွယ်ရေးတပ်ဖွဲ့သို့ ဝင်ရောက်ခဲ့ကြောင်း သိရသည်။
ဗာနီဒပ်ဘ်(၅၆ နှစ်)သည် မော်လ်ဒိုဗာကလပ် ရှာရစ်ဖ်အသင်းကို ကိုင်တွယ်နေသော်လည်း ယူကရိန်းနိုင်ငံသားဖြစ်သောကြောင့် ရုရှားနိုင်ငံ၏ ကျူးကျော်တိုက်ခိုက်မှု ခံနေရစဉ်တွင် နိုင်ငံအတွက် တိုက်ပွဲဝင်ရန် ဆုံးဖြတ်ခဲ့ခြင်းဖြစ်ကြောင်း သိရသည်။
ဗာနီဒပ်ဘ်က “ယူကရိန်းနိုင်ငံကို ကာကွယ်နေသူအားလုံးအတွက် ကျွန်တော် ဂုဏ်ယူပါတယ်။ ကျွန်တော်လည်း သူတို့အတွက် အကူအညီဖြစ်စေချင်ပါတယ်။ ကျွန်တော့်မိသားစုကို အထိအခိုက်မရှိစေချင်ပါဘူး” ဟု ပြောကြားခဲ့သည်။
