ဖူလ်ဟမ်နှင့်ပွဲတွင် မန်ယူအသင်းအတွက် ဦးဆောင်ဂိုးသွင်းယူပေးခဲ့သည့် ကွင်းလယ်ကစားသမား အဲရစ်ဆင်သည် ရှမိုက်ကယ်နောက်ပိုင်း မန်ယူအတွက် ဂိုးသွင်းနိုင်သည့် ပထမဆုံး ဒိန်းမတ်ကစားသမားအဖြစ် မှတ်တမ်းဝင်ခဲ့ကြောင်း သိရသည်။
အဲရစ်ဆင်သည် ပြီးခဲ့သည့်နွေရာသီတွင် မန်ယူအသင်းသို့ ရောက်ရှိခဲ့ပြီး ပြိုင်ပွဲစုံပွဲ(၂၀)မြောက်၌ ပထမဆုံးဂိုးသွင်းယူနိုင်ခဲ့ခြင်းဖြစ်သည်။ အဲရစ်ဆင်သည် မန်ယူအသင်း၏ (၆)ဦး မြောက်ဒိန်းမတ်ကစားသမားဖြစ်ပြီး ၎င်းမတိုင်မီ (၅)ဦးမှာ ဂျက်စပါအော်လ်ဆင်၊ ဂျွန်နီဆိုက်ဘိတ်၊ ပီတာရှမိုက်ကယ်၊ မတ်စ်တင်းမ်နှင့် အန်ဒါစ်လင်ဒီဂတ်တို့ဖြစ်သည်။
ယင်းကစားသမားများအနက် အဲရစ်ဆင်မတိုင်မီ နောက်ဆုံးဂိုးသွင်းယူနိုင်ခဲ့သူမှာ ဂိုးသမား ရှမိုက်ကယ်ဖြစ်ပြီး ၁၉၉၅ စက်တင်ဘာလက UEFA (ယခု ယူရိုပါလိဂ်) ပြိုင်ပွဲတွင် သွင်းယူခဲ့ခြင်းဖြစ်သည်။
ထို့ကြောင့် အဲရစ်ဆင်သည် ရှမိုက်ကယ်နောက် (၂၇)နှစ်ကြာမှ မန်ယူအတွက် ဂိုးသွင်းနိုင်သည့် ဒိန်းမတ်ကစားသမား ဖြစ်လာခဲ့သည်။
