ရွှေ့ဆိုင်းထားသည့် အာဆင်နယ်-မန်စီးတီးပွဲကို ဖေဖော်ဝါရီလ ၁၅ ရက်(ဗုဒ္ဓဟူးနေ့) ည ရး၃၀ နာရီတွင် ပြန်လည်ကစားမည်ဟု ပရီးမီးယားလိဂ်အဖွဲ့ချုပ်က ကြေညာခဲ့သည်။ ထို့ပြင် အခြားပွဲစဉ်လေးပွဲ ပြန်လည်ကစားမည့်ရက်များကိုလည်း ထုတ်ပြန်ခဲ့သည်။
ပရီးမီးယားလိဂ်ပြိုင်ပွဲကို Boxing Day (ဒီဇင်ဘာ ၂၆ ရက်)တွင် ပြန်လည်စတင်မည် ဖြစ်သော်လည်း ရွှေ့ဆိုင်းထားသည့် ယင်းပွဲစဉ် ငါးပွဲကို လာမည့်နှစ် ဇန်နဝါရီ၊ ဖေဖော်ဝါရီလများ၌ ပြန်လည်ကစားရန် ရေးဆွဲခဲ့ခြင်း ဖြစ်သည်။ မန်စီးတီးအသင်း၏အခြားပွဲစဉ် နှစ်ပွဲကိုလည်း ပြန်လည်ရေးဆွဲခဲ့ပြီး ကွန်တီ၏ စပါးအသင်းကို ဇန်နဝါရီ ၁၉ ရက်တွင် အိမ်ကွင်းလက်ခံကစားရမည်ဖြစ်သော်လည်း FAဖလား တတိယအဆင့်ပြန်ကန်ပွဲစဉ် ရှိလာလျှင် အဆိုပါပွဲကို ထပ်မံရွှေ့ဆိုင်းရဖွယ်ရှိသည်။
နောက်ထပ်ပွဲစဉ်ဖြစ်သည့် ဝုလ်ဗ်နှင့် အိမ်ကွင်းပွဲစဉ်ကိုမူ ဇန်နဝါရီလ ၂၂ ရက် တနင်္ဂနွေနေ့တွင် ပြန်လည်ကစားရမည်ဖြစ်သည်။ လက်ကျန်နှစ်ပွဲမှာမူ ချယ်လ်ဆီးအသင်းပွဲစဉ်များဖြစ်ပြီး ဂရေဟမ်ပေါ်တာ၏ အသင်းအနေဖြင့် သုံးရက်အတွင်း လန်ဒန် ဒါဘီပွဲ နှစ်ပွဲဆက် ကစားရမည်ဖြစ်သည်။
ဇန်နဝါရီ ၁၂ ရက်တွင် ဖူလ်ဟမ်နှင့် အဝေး ကွင်း၊ ဇန်နဝါရီ ၁၅ ရက်တွင် ဘရန့်ဖို့ဒ်နှင့် အိမ်ကွင်းပွဲစဉ်များ ကစားရမည် ဖြစ်ကြောင်း သိရသည်။ ယခုပြန်လည်ကစားရန် ကြေညာခဲ့သည့် ပွဲစဉ်ငါးပွဲမှာ စက်တင်ဘာလနှင့် အောက်တိုဘာလအတွင်းက ရွှေ့ ဆိုင်းထားခဲ့သည့် ပွဲစဉ်များဖြစ်သည်ဟု Daily Mail က ဖော်ပြခဲ့သည်။
 ည ရး၃၀ နာရီတွင် ပြန်လည်ကစားမည်ဟု ပရီးမီးယားလိဂ်အဖွဲ့ချုပ်က ကြေညာခဲ့သည်။ ထို့ပြင် အခြားပွဲစဉ်လေးပွဲ ပြန်လည်ကစားမည့်ရက်များကိုလည်း ထုတ်ပြန်ခဲ့သည်။){kind=link}