ရီးရဲလ်မက်ဒရစ် အသင်းရဲ့ အင်္ဂလန် လက်ရွေးစင် ကွင်းလယ်လူ ဂျုဒ်ဘယ်လင်ဂမ်ဟာ မနေ့ညက ကစားသွားတဲ့ ကာဒစ်ဇ် အသင်းကို ၀ – ၃ ရလဒ်နဲ့ အနိုင်ရခဲ့တဲ့ လာလီဂါပွဲမှာ တဂိုး ထပ်မံ သွင်းယူနိုင်ခဲ့ ပြန်ပါတယ် ။
ပြီးခဲ့တဲ့ နွေရာသီကမှ ဒေါ့မွန် အသင်းကနေ Los Blancos သို့ ယူရို ၁၀၃သန်းနဲ့ ပြောင်းရွှေ့လာတဲ့ ဘယ်လင်ဂမ်ဟာ ရာသီတဝက် မကျိုးခင်မှာပဲ အသင်းဟောင်းမှာ ရရှိခဲ့တဲ့ တရာသီ အတွင်း ၁၄ဂိုး အထိ ရရှိခဲ့တဲ့ မှတ်တမ်းကို ထိုပွဲမှာ လိုက်မီသွားခဲ့ပါတယ် ။
ဒါ့အပြင် ဘယ်လင်ဂမ်ဟာ ဒီဂိုးကြောင့် ခရစ်တီယာနို ရော်နယ်ဒိုရဲ့ မှတ်တမ်းကောင်း တရပ် ဖြစ်တဲ့ ရီးရဲလ်မက်ဒရစ် ကစားသမား အဖြစ် စတင် ဖြတ်သန်းရတဲ့ ပထမဆုံး ရာသီ အဖွင့် ၁၅ပွဲ အတွင်း ဂိုးအများဆုံး သွင်းယူနိုင်ခဲ့ခြင်းကို ကျော်ဖြတ်ပြသွားပါတယ် ။
ရော်နယ်ဒိုဟာ ဘယ်လင်ဂမ် မတိုင်ခင်က ယင်းမှတ်တမ်းကို ရီးရဲလ်မက်ဒရစ် ကစားသမားဟောင်းတွေ ဖြစ်ကြတဲ့ ဒီစတက်ဖန်နို ၊ ပရူဒန်တို့နဲ့ အတူ ပူးတွဲရယူထားခဲ့တာ ဖြစ်ပြီး ၊ အခုအခါမှာတော့ ယင်းအင်္ဂလန်သားက ထိုစံချိန်ကို ရိုက်ချိုးသွားနိုင်ခဲ့ပါတယ် ။
ရီးရဲလ်မက်ဒရစ် ကစားသမား ဘဝ အဖွင့် ၁၅ပွဲ အတွင်း ဂိုးအများဆုံး သွင်းယူခဲ့သူများ
ဂျုဒ်ဘယ်လင်ဂမ် – ၁၄ဂိုး
ခရစ်တီယာနို ရော်နယ်ဒို – ၁၃ဂိုး
အယ်ဖရက်ဒို ဒီစတက်ဖန်နို – ၁၃ဂိုး
ပရူဒန် – ၁၃ဂိုး
ဖရန့်ခ် ပွတ်စ်ကပ်စ် – ၁၁ဂိုး
ရုဒ်ဗန်နစ္စတယ်ရွိုင်း – ၉ဂိုး
ရာအူးလ် – ၇ဂိုး
ရော်နယ်ဒို ( R9 ) – ၆ဂိုး
မိုက်ကယ် အိုဝင် – ၆ဂိုး
ကာရင် ဘန်ဇီမာ – ၅ဂိုး
