ရူဒီဂါအားခေါ်ယူနိုင်ခြင်းကို ကျေနပ်မိကြောင်းနှင့် အသင်းခံစစ်ပိုင်းတိုးတက်လာမည်ဖြစ်ကြောင်း အန်ဆယ်လော့တီ ပြောကြား

ရီးယဲလ်အသင်းနည်းပြ အန်ဆယ်လော့တီက ချယ်လ်ဆီးအသင်းမှ ရူဒီဂါကို ခေါ်ယူနိုင်သဖြင့် ကျေနပ်မိကြောင်း၊ အသင်းခံစစ်ပိုင်းတိုးတက်လာမည်ဖြစ်ကြောင်း ပြောကြားခဲ့သည်။

ရီးယဲလ်အသင်းသည် ပြီးခဲ့သည့်အင်္ဂါနေ့က ရူဒီဂါ ကို ဆေးစစ်ဆေးမှုပြုလုပ်ပြီးနောက် (၂၀၂၆) ခုနှစ်အထိ စာချုပ်ချုပ်ဆိုခဲ့ကြောင်း သိရသည်။

ရူဒီဂါ၏အပြောင်းအရွှေ့အား လာမည့် မေလ (၂၈)ရက်တွင်ကစားမည့် ချန်ပီယံလိဂ် ဗိုလ်လုပွဲပြီးမှ ရီးယဲလ်အသင်းက တရားဝင်ကြေညာသွားမည်ဖြစ်ပြီး ကစားသမားဖြစ်သူနှင့် လစာငွေညှိနှိုင်းမှုများ ပြုလုပ်ရဦးမည်ဖြစ်ကြောင်းလည်း သိရသည်။