အင်္ဂလန်ညာနောက်ခံလူနေရာအတွက် အပြိုင်ဖြစ်နေသည့် အာနိုးလ်နှင့် ချယ်လ်ဆီး နောက်ခံလူ ရီးစ်ဂျိမ်းစ်တို့အနက် ရီးစ်ဂျိမ်းစ်က အာနိုးလ်ထက် ပိုကောင်းသည့်နောက်ခံလူတစ်ဦးဖြစ်သည်ဟု လီဗာပူးလ်နှင့် ချယ်လ်ဆီး နောက်ခံလူဟောင်း ဂလင်းဂျွန်ဆင်က မှတ်ချက်ပြုခဲ့သည်။
“တကယ်တော့ ပြိုင်ဘက်အသင်းနဲ့ရင်ဆိုင်ရာမှာ ဘယ်လိုကစားသလဲဆိုတဲ့အပေါ်မှာ အဓိကမူတည်ပါတယ်။ ဒါပေမဲ့ ရီးစ်ဂျိမ်းစ်က ပိုကောင်းတဲ့နောက်ခံလူတစ်ဦးဖြစ်တယ်လို့ ကျွန်တော်ယူဆပါတယ်။ သူက ပိုမိုလျင်မြန်ပြီး သန်လည်းသန်မာပါတယ်။ ဒါပေမဲ့ နိုင်ငံတကာဘောလုံးမှာတော့ ထရန့်(အာနိုးလ်)က အတွေ့အကြုံပိုသာလို့ နံပါတ်တစ် ဖြစ်သင့်ပါတယ်” ဟု ဂလင်းဂျွန်ဆင်က ပြောကြားခဲ့သည်။
ထို့ပြင် ဂလင်းဂျွန်ဆင်က ဗီလာကွင်းလယ်လူ ဂရီးလစ်ရှ်ကိုကျော်ပြီး မေဆန်မောင့်ကို နေရာပေးသည့် နည်းပြ ဆောက်ဂိတ်ကိုလည်း ထောက်ခံကြောင်းဆက်လက်ပြောကြားခဲ့သည်။
