ရလဒ်များဆိုးရွားနေသော အဲဗာတန်အသင်းသည် ၎င်းတို့၏နည်းပြ ဘင်နီတက်ဇ်အား ရာထူးမှထုတ်ပယ်တော့မည်ဟု သတင်းများထွက်ပေါ်လျက်ရှိနေပြီး ၎င်း၏နေရာတွင် အစားထိုးရန် အဲဗာတန်အသင်း၏ တိုက်စစ်မှူးဟောင်း ရွန်နီက ရေပန်းစားလာကြောင်း သိရှိရသည်။
အဲဗာတန်အသင်းပိုင်ရှင် ဖာဟတ်မိုရှီရီသည် အသင်း၏ရလဒ်ဆိုးများကြောင့် လက်ရှိနည်းပြ ဘင်နီတက်ဇ်အား စိတ်ရှည်သည်းခံမှုကုန်ဆုံးလာပြီဖြစ်ပြီး နည်းပြအပြောင်းအလဲပြုလုပ်ရန် စီစဉ်နေပြီဖြစ်ကြောင်း ဗြိတိန်သတင်းစာ The Sun က ဖော်ပြခဲ့သည်။
လီဗာပူးလ်အသင်းနည်းပြဟောင်းဖြစ်သူ ဘင်နီတက်ဇ်သည် အဲဗာတန်ပရိသတ်များ သဘောကျနှစ်သက်သူမဟုတ်သော်လည်း မိုရှီရီက ၎င်းအားနည်းပြအဖြစ် ခန့်အပ်ခဲ့ပြီး ယခုအခါ မိုရှီရီကိုယ်တိုင် ပရိသတ်များထံမှ ဖိအားများရှိနေပြီဖြစ်သည်။
သို့ဖြစ်ရာ လိဂ်ချန်ပီယံရှစ်တွင် ငွေကြေးအခက်အခဲများကြောင့် ရမှတ်(၂၁)မှတ်လျှော့ခံရပြီး တန်းဆင်းရန်သေချာနေသော ဒါဘီအသင်း၏နည်းပြဖြစ်သူ ရွန်နီအား ဘင်နီတက်ဇ်၏နေရာ အစားထိုးရန် အဲဗာတန်အသင်းက ခေါ်ယူဖွယ်ရှိကြောင်း သတင်းများထွက်ပေါ်နေသည်။
