ဆီဗီလာ – မန်ယူ (တနင်္လာနံနက် ၁း၃၀ နာရီ)
ချန်ပီယံလိဂ်မှာ တွေ့ဆုံထားခဲ့ပြီးနောက် (၂)နှစ်ကျော်ကာလအတွင်းမှာ ဒီနှစ်သင်းက အပြောင်းအလဲတွေ အတော်များ ခဲ့တယ်။ မန်ယူအသင်းရဲ့ လက်ရှိပွဲထွက် Line-up မှာ တစ်ဝက်လောက်က အဲဒီပွဲမှာ ပါဝင်ကစားခဲ့တယ်။ ဆီဗီလာကတော့ အခုချိန်မှာ ဘာနီဂါ တစ်ဦးပဲ ပွဲထွက်ခွင့်ရနေပြီး ဗက်ဇ်ကေး၊ အက်စကူဒယ်ရိုတို့က အရန်ခုံတောင် ထိုင်နေရတယ်။ ဘောလုံး ရာသီရဲ့အဆုံးသတ်ပိုင်းမှာ နှစ်သင်းစလုံးက ပုံစံကောင်းတွေ ရနေတယ်။ ဆီဗီလာအသင်းက ပြိုင်ပွဲစုံ(၁၉)ပွဲဆက်တိုက် ရှုံးပွဲ မရှိ ကစားထားသလို၊ မန်ယူအသင်းကလည်း ပြိုင်ပွဲစုံ နောက်ဆုံး(၂၄)ပွဲမှာ ချယ်လ်ဆီးတစ်သင်းကိုသာ အရေးနိမ့်ထားတာပါ။ ကစားသမားတည်ငြိမ်မှုပိုင်းမှာတော့ မန်ယူအသင်းက ဆီဗီလာထက် နှာတစ်ဖျား အသာရနေတယ်။ ဆီဗီလာနည်းပြ လိုပယ် တယ်ဟီကလည်း သူ့စိတ်ကြိုက် အသင်းတိုက်စစ်ပိုင်းကို ယူရိုပါလိဂ်ပြိုင်ပွဲရောက်မှ တည်ဆောက်ထားနိုင်တာ တွေ့ရတယ်။ မန်ယူအသင်းအနေနဲ့ ဆီဗီလာအသင်းရဲ့တောင်ပံတွေကို သတိထားကစားဖို့လိုပြီး အတွေ့အကြုံနုတဲ့ ဝီလျံစ်ကို လီဗာပူးလ် ကစားသမားဟောင်း ဆူဆိုက ဒုက္ခပေးနိုင်တယ်။ မန်ယူအသင်းကိုပဲ ရွေးချယ်ချင်တယ်။
