ဖေဖော်ဝါရီလ(၁၇)ရက်က ယှဉ်ပြိုင်ကစားခဲ့တဲ့ ယူရိုပါလိဂ် Play-offs အဆင့် ပထမအကျော့ပွဲတွေမှာ ဘာစီလိုနာ၊ ဒေါ့မွန်နဲ့ လိုက်ပ်ဇစ်တို့ အိမ်ကွင်းလက်ခံကစားရပေမဲ့ နိုင်ပွဲပျောက်ခဲ့ကြပါတယ်။ အိမ်ကွင်းမှာ ဂိုးပြတ်အရေးနိမ့်ခဲ့တဲ့ ဒေါ့မွန်အသင်းကတော့ မျှော်လင့်ချက်အနည်းဆုံးဖြစ်နေပြီး ဘာစီလိုနာ၊ လိုက်ပ်ဇစ်တို့ကလည်း ပြိုင်ဘက်ကောင်းတွေရဲ့ကွင်းမှာ သွားရောက်ကစားရမှာဖြစ်လို့ လွယ်တော့မလွယ်ပါဘူး။ ပွဲအားလုံးနီးပါးက ယတိပြတ်ပြောလို့မရသေးလို့ အကြိတ်အနယ်ရှိတဲ့ပွဲတွေ မြင်ရနိုင်ပါတယ် . . .
ဖေဖော်ဝါရီလ(၁၇)ရက်က ယှဉ်ပြိုင်ကစားခဲ့တဲ့ ယူရိုပါလိဂ် Play-offs အဆင့် ပထမအကျော့ပွဲတွေမှာ ဘာစီလိုနာ၊ ဒေါ့မွန်နဲ့ လိုက်ပ်ဇစ်တို့ အိမ်ကွင်းလက်ခံကစားရပေမဲ့ နိုင်ပွဲပျောက်ခဲ့ကြပါတယ်။ အိမ်ကွင်းမှာ ဂိုးပြတ်အရေးနိမ့်ခဲ့တဲ့ ဒေါ့မွန်အသင်းကတော့ မျှော်လင့်ချက်အနည်းဆုံးဖြစ်နေပြီး ဘာစီလိုနာ၊ လိုက်ပ်ဇစ်တို့ကလည်း ပြိုင်ဘက်ကောင်းတွေရဲ့ကွင်းမှာ သွားရောက်ကစားရမှာဖြစ်လို့ လွယ်တော့မလွယ်ပါဘူး။ ပွဲအားလုံးနီးပါးက ယတိပြတ်ပြောလို့မရသေးလို့ အကြိတ်အနယ်ရှိတဲ့ပွဲတွေ မြင်ရနိုင်ပါတယ် . . .
နာပိုလီ နှင့် ဘာစီလိုနာ (မြန်မာစံတော်ချိန် သောကြာနံနက် ၂း၃၀ နာရီ)
နူးကမ့်မှာတုန်းက ဘာစီလိုနာအသင်း နောက်ကချေပဂိုး လိုက်သွင်းရပေမဲ့ ဂိုးကံခေလို့သာ သရေကျခဲ့ရတာဖြစ်တယ်။ ဘာစီလိုနာတိုက်စစ်မှာ အူဘာမီယန်းက ဗလင်စီယာနဲ့ပွဲမှာ ဟက်ထရစ်သွင်းခဲ့ပြီး ဖယ်ရန်တောရက်စ်နဲ့အတူ အခုပွဲအတွက် ပွဲထွက်ခွင့် သေချာသလောက်ရှိနေကာ ကျန်တစ်နေရာကိုတော့ အဒါမာထရာအိုရေးနဲ့ အူစမန်ဒမ်ဘီလီတို့ထဲက တစ်ဦးဦးကို အသုံးပြုလာနိုင်တယ်။ နာပိုလီအသင်း အင်တာမီလန်နဲ့ ဘာစီလိုနာတို့ကို ဆက်တိုက်သရေကစားထားပေမဲ့ စီးရီးအေက လတ်တလောမှာ အရေးအကြီးဆုံးအချိန်ရောက်နေလို့ ပြိုင်ပွဲ(၂)ခုကြားမှာ အာရုံများနေနိုင်တယ်။ နေပယ်မှာ ဘာစီလိုနာအသင်း ရှုံးဖို့တော့မရှိဘူး။
လာဇီယို နှင့် ပေါ်တို (မြန်မာစံတော်ချိန် ကြာသပတေးည ၁၂း၁၅ နာရီ)
လာဇီယိုအသင်းရဲ့ အခုရာသီအိမ်ကွင်းရလဒ်တွေက အထင်ကြီးစရာကောင်းပါတယ်။ ပထမအကျော့မှာလည်း ဖျားနာနေတဲ့ ၀ါရင့်တိုက်စစ်မှူး အီမိုဘီလီကလွဲလို့ လူစုံနီးပါးကို နည်းပြ ဆာရီ အသုံးပြုခဲ့တာပါ။ မကြာသေးခင်ကမှ ကိုပါအီတာလီယာ ကနေ ထွက်ထားရလို့ ဖလား(၂)လုံးဆက်တိုက် လက်လွှတ်ရတဲ့ အဖြစ်မျိုးမရောက်အောင်တော့ လာဇီယိုအသင်း ဖောင်ဖျက်ကစားသွားမယ်ထင်တယ်။ ရောမမြေလည်းဖြစ်လို့ လာဇီယို အနိုင်ကစားဖို့များတယ်။
ရိန်းဂျားစ် နှင့် ဒေါ့မွန် (မြန်မာစံတော်ချိန် သောကြာနံနက် ၂း၃၀ နာရီ)
ဂျာမန်မြေမှာကစားခဲ့တဲ့ ပထမအကျော့ရလဒ်ကတော့ အားလုံးကို Shock ဖြစ်စေခဲ့တယ်။ ဒေါ့မွန်ရဲ့လတ်တလောစွမ်းဆောင်ရည်က ခန့်မှန်းရခက်နေပြီး အတက်အကျများနေတယ်။ နောက်ဆုံး(၄)ပွဲဆက်တိုက် ဟော်လန်း ဒဏ်ရာကြောင့် မကစားနိုင်ပေမဲ့ (၁၃)ဂိုးအထိသွင်းယူထားလို့ ဂိုးသွင်းနှုန်းကတော့ ကျမသွားပါဘူး။ ရိန်းဂျားစ်ကတော့ အဝေးကွင်းရလဒ်ကိုပဲ ထိန်းထားနိုင်ဖို့အတွက် ခံစစ်ကိုပဲ အသားပေးကစားဖို့များနေတယ်။ ဒေါ့မွန် အနိုင်တော့ကစားမှာပါ။
ဆိုစီဒက် နှင့် လိုက်ပ်ဇစ် (မြန်မာစံတော်ချိန် ကြာသပတေးည ၁၂း၁၅ နာရီ)
ပထမအကျော့ ဂျာမန်မြေမှာတုန်းက လိုက်ပ်ဇစ်အသင်း နောက်ကလိုက်ကစားပြီး ချေပဂိုးတွေ သွင်းခဲ့ရတာပါ။ ဒါပေမဲ့ လက်ရှိ Form မှာတော့ လိုက်ပ်ဇစ်အသင်းက ဆိုစီဒက်ထက် နှာတစ်ဖျားသာနေတဲ့ အနေအထားရှိပါတယ်။ ဆိုစီဒက်ကတော့ အိမ်ကွင်းမှာတောင် ရလဒ်ပိုင်း အတက်အကျမမှန်သလို၊ လာလီဂါမှာ ချန်ပီယံလိဂ်ဝင်ခွင့် မျှော်လင့်ချက်အတွက် အသည်းအသန်ရုန်းနေရလို့ ဗျာများနေနိုင်တယ်။ စပိန်မြေဖြစ်ပေမဲ့ လိုက်ပ်ဇစ်အသင်း မရှုံးလောက်ဘူး။
ဒိုင်နမိုဇာဂရက် နှင့် ဆီဗီလာ (မြန်မာစံတော်ချိန် ကြာသပတေးည ၁၂း၁၅ နာရီ)
ခရိုအေးရှားကလပ် ဒိုင်နမိုဇာဂရက်အသင်းက ယူရိုပါလိဂ်အိမ်ကွင်း နောက်ဆုံး(၁၈)ပွဲမှာ ဗီလာရီးယဲလ်၊ ဝက်စ်ဟမ်းတို့ကို အရေးနိမ့်ခဲ့တာကလွဲလို့ ကျန်တဲ့ပွဲတွေမှာ အနိုင်နဲ့ သရေပါပဲ။ ဆီဗီလာအသင်း ထိန်းကစားသွားနိုင်ခြေများလို့ အိမ်ရှင်ဘက်ကပဲ အရဲစွန့်ရပ်တည်ချင်တယ်။
အိုလံပီယာကော့စ် နှင့် အတ္တလန်တာ (မြန်မာစံတော်ချိန် ကြာသပတေးည ၁၂း၁၅ နာရီ)
အီတလီမြေမှာ အိုလံပီယာကော့စ်အသင်းက ဦးဆောင်ဂိုးသွင်းပြီးမှ အရေးနိမ့်ခဲ့တာဖြစ်တယ်။ အတ္တလန်တာအသင်း စီးရီးအေမှာလည်း ချန်ပီယံလိဂ်ဝင်ခွင့်အတွက် အမှားမခံတဲ့အချိန်ရောက်နေလို့ ပြိုင်ပွဲ(၂)ခုအကြား ဘယ်လိုစခန်းသွားမလဲ စိတ်ဝင်စားစရာပါ။ ဂရိကလပ်အသင်း မရှုံးပါဘူး။
ဘက်တစ် နှင့် ဇင်းနစ် (မြန်မာစံတော်ချိန် သောကြာနံနက် ၂း၃၀ နာရီ)
ပထမအကျော့တုန်းက ဇင်းနစ် ကစားပုံပိုကောင်းခဲ့ပေမဲ့ ဘက်တစ်က အခွင့်အရေးကို ပိုအသုံးချနိုင်ခဲ့တာဖြစ်တယ်။ နှစ်သင်းအကြား ခြေစွမ်းကွာဟချက် ကျဉ်းမြောင်းလို့ ဇင်းနစ်နဲ့ စွန့်စားတာပိုကောင်းမယ်။
စပို့တင်းဘရာဂါ နှင့် ရှာရစ်ဖ် (မြန်မာစံတော်ချိန် သောကြာနံနက် ၂း၃၀ နာရီ)
(၂)ဂိုးပြတ်အရှုံးကြောင့် စပို့တင်းဘရာဂါအသင်း ပြန်လာနိုင်ဖို့တော့ အတော်လေးခက်သွားတယ်။ ဒါပေမဲ့ ပြိုင်ပွဲစုံ အိမ်ကွင်း(၁၇)ပွဲမှာ (၁)ပွဲသာ အရေးနိမ့်ထားလို့ ဘရာဂါအသင်း ဂိုးပြတ်၊ မပြတ်ပဲ ကြည့်ရမှာပါ။
