လီဗာပူးလ် – နယူးကာဆယ် (မြန်မာစံတော်ချိန် ဧပြီလ ၂၄ ရက် ညနေ ၆:၀၀ နာရီ)
ဝုလ်ဗ်၊ အာဆင်နယ်၊ ဗီလာတို့ကို ဆက်တိုက်အနိုင်ကစားခဲ့တဲ့ လီဗာပူးလ်က နောက်ဆုံးကစားခဲ့တဲ့ပွဲမှာတော့ လိဒ်စ်နဲ့ သရေကျခဲ့တယ်။ ဒါကြောင့် ချန်ပီယံလိဂ်ဝင်ခွင့်အတွက် အဖိုးတန်အမှတ်တွေဆုံးရှုံးသွားခဲ့တယ်။ နယူးကာဆယ်က တန်းဆင်းမယ့်အန္တရာယ်ကနေ လွတ်သွားဖို့ များနေပါပြီ။ ဒီပွဲက လီဗာပူးလ်ကွင်းဖြစ်တဲ့အပြင် အမှတ်အသည်းအသန်လိုအပ်နေတဲ့ လီဗာပူးလ် နိုင်ပွဲပြန်ယူမယ့်ပွဲပါ။
ဝက်စ်ဟမ်း – ချယ်လ်ဆီး (မြန်မာစံတော်ချိန် ဧပြီလ ၂၄ ရက် ည ၁၁:၀၀ နာရီ)
ချယ်လ်ဆီးရဲ့ခြေစွမ်းကလည်း မှန်းရခက်နေတယ်။ အထူးသဖြင့် တိုက်စစ်ပိုင်းက လုံးဝယုံကြည်လို့မရဘူး။ ခံစစ်က တစ်ဦးချင်းအနေနဲ့ ပုံစံကောင်းမပြနိုင်ရင်တောင် အသင်းလိုက်ဟန်ချက်ကြောင့် ဂိုးမပေးရအောင် ကစားနိုင်စွမ်းရှိတယ်။ ဒါပေမဲ့ တိုက်စစ်ပိုင်းကတော့ ဂိုးရတစ်လှည့်၊ မရတစ်လှည့် ဖြစ်နေလို့ ရလဒ်ကောင်းတွေ ရသင့်လျက် မရတာမျိုးတွေဖြစ်နေခြင်းဖြစ်တယ်။ ဘရိုက်တန်နဲ့ ကစားခဲ့တဲ့ပွဲတုန်းကလည်း ခံစစ်က ဂိုးမပေးရအောင်ကစားနိုင်ခဲ့ပေမဲ့ တိုက်စစ်က ထုံးစံအတိုင်း အားနည်းခဲ့တဲ့အတွက် သရေကျခဲ့တာဖြစ်ပြီး ချန်ပီယံလိဂ်ဝင်ခွင့်အတွက် အခွင့်အရေးကောင်းတစ်ခုကို လက်လွှတ်ခဲ့ရတယ်။ အခု ဒီပွဲက ချယ်လ်ဆီးအတွက် Second Chance ဖြစ်ပြီး (၆)မှတ်တန်ပွဲ လည်းဖြစ်တယ်။ ဝက်စ်ဟမ်းကလည်း ပြီးခဲ့တဲ့ပွဲတုန်းက နယူးကာဆယ်ကို ရှုံးခဲ့တာကြောင့် ခြေတစ်ချက်ယိုင်သွားတာကို ပြန်ထိန်းရမယ့်ပွဲမျိုးဖြစ်တယ်။ ပြီးခဲ့တဲ့ ရာသီတုန်းက ဝက်စ်ဟမ်းက ချယ်လ်ဆီးကို နှစ်ကျော့စလုံး ဒုက္ခပေးနိုင်ခဲ့တယ်။ ဒီပွဲလည်း ချယ်လ်ဆီး သရေလောက်ပဲ ရမယ်။
ရှက်ဖီးယူနိုက်တက် – ဘရိုက်တန် (မြန်မာစံတော်ချိန် ဧပြီလ ၂၅ ရက် နံနက် ၁:၃၀ နာရီ)
ရှက်ဖီးယူနိုက်တက်က တန်းဆင်းသွားပြီဖြစ်ပြီး ဘရိုက်တန်ကတော့ ဖူလ်ဟမ်၊ ဝက်စ်ဘရွန်းတို့ အမီမလိုက်နိုင်အောင် ကြိုးစားရဦးမှာဖြစ်တယ်။ တန်းဆင်းနိုင်ခြေနည်းပေမဲ့ စိတ်ချရတဲ့ အနေအထားဖြစ်ချင်ရင်တော့ ဒီလိုပွဲတွေမှာ အမှတ်ပြည့်ယူထားနိုင်ဖို့လိုတယ်။ ဂုဏ်သိက္ခာအတွက်သာကစားရမယ့် ရှက်ဖီး သရေရဖို့တောင် မလွယ်ဘူးထင်တယ်။
