မန်ယူအသင်းသည် ယခုရာသီ ဥရောပထိပ်တန်းလိဂ်(၅)ခုတွင် နိုင်ပွဲအများဆုံးရရှိသည့်အသင်းအဖြစ် ဦးဆောင်နေပြီး စုစုပေါင်း(၃၈)ပွဲကစားရာ၌ (၂၇)ပွဲအထိ အနိုင်ရရှိခဲ့ခြင်းဖြစ်ကြောင်း သိရသည်။
မန်ယူအသင်းသည် ပရီးမီးယားလိဂ်ပြိုင်ပွဲ၌ အာဆင်နယ်နှင့် မန်စီးတီးတို့ထက် နိုင်ပွဲလျော့နည်းကာ တတိယနေရာသို့ ရောက်ရှိနေသော်လည်း အခြားပြိုင်ပွဲများတွင် နိုင်ပွဲပိုမို ရယူထားနိုင်သောကြောင့် နိုင်ပွဲအ များဆုံးအသင်းအဖြစ် ရပ်တည်နိုင်ခြင်းဖြစ်ကြောင်း သိရသည်။
မန်ယူအသင်းသည် ပရီးမီးယားလိဂ်၌ နိုင်ပွဲ (၁၅)ပွဲ၊ FA ဖလား၌နိုင်ပွဲ(၂)ပွဲ၊ လိဂ်ဖလား၌ နိုင်ပွဲ(၅)ပွဲ၊ ယူရိုပါလိဂ်၌ နိုင်ပွဲ (၅)ပွဲ ရယူနိုင်ခဲ့ခြင်းဖြစ်သည်။ မန်ယူအသင်းသည် ဖလားပြိုင်ပွဲများ၌ နိုင်ပွဲများစွာ ရယူနိုင်ခဲ့သောကြောင့် ပြိုင်ဘက်များထက် နိုင်ပွဲအရေအတွက် ပိုမိုများပြားခဲ့ခြင်းဖြစ်သည်။
ဥရောပထိပ်တန်းလိဂ်(၅)ခုတွင် အမှတ်ပေးပြိုင်ပွဲကို ဦးဆောင်နေသည့် အသင်းများထဲ၌ အာဆင်နယ်အသင်းက ပြိုင်ပွဲစုံနိုင်ပွဲ(၂၃)ပွဲ၊ ဘာစီလိုနာအသင်းက ပြိုင်ပွဲစုံနိုင်ပွဲ(၂၅)ပွဲ၊ ဘိုင်ယန်မြူးနစ်အသင်းက ပြိုင်ပွဲစုံနိုင် ပွဲ(၂၃)ပွဲ၊ နာပိုလီအသင်းက ပြိုင်ပွဲစုံ နိုင်ပွဲ(၂၅)ပွဲ၊ PSG အသင်းက ပြိုင်ပွဲစုံ နိုင်ပွဲ(၂၅)ပွဲ ရရှိထားသည်။
မန်ယူအသင်းသည် ပြီးခဲ့သည့်ရာသီက တစ်ရာသီလုံးတွင် ပြိုင်ပွဲစုံနိုင်ပွဲ(၂၀)သာ ရရှိခဲ့ကြောင်းလည်း သိရသည်။
