ဂန်းနား ဂန္တဝင် ကစားသမားဟောင်း ပေါလ်မာဆင် က အူဘာမီယန်း နဲ့ ဝီလီယံ တို့လို စတား ကစားသမားတွေ ခြေစွမ်းမပြနိုင်တာဟာ အာတီတာ အတွက် အဓိက ပြဿနာ ဖြစ်နေကြောင်း နဲ့ ဒီတစ်ပတ် မြောက်လန်ဒန်ဒါဘီမှာ အာဆင်နယ် အနိုင်မရနိုင်ကြောင်း ဝန်ခံ သွားခဲ့ပါတယ် ။
အာဆင်နယ် နဲ့ တော့တင်ဟမ် အသင်းတို့ဟာ ဒီတစ်ပတ် ပရီးမီးယားလိဂ် ပွဲစဥ်(၁၁) မှာ ထိပ်တိုက် တွေ့ဆုံ နေကြပြီး တနင်္ဂနွေနေ့ ၊ မြန််မာ စံတော်ချိန် ၁၁ နာရီမှာ ကစား သွားမှာပါ ။
အာဆင်နယ် အသင်း နဲ့ တော့တင်ဟမ် အသင်းဟာ ခါးသီးလှတဲ့ မြို့ ခံ ပြိုင် ဘက် တွေ ဖြစ်ကြပြီး ထိပ်တိုက် တွေ့ဆုံတိုင်း ပရိသတ် တွေကြားမှာကော ၊ ကစားသမားတွေကြားမှာပါ ပြိုင်ဆိုင်မှု ပြင်းထန်လေ့ရှိတဲ့ အသင်းတွေလည်း ဖြစ်ပါတယ် ။
တော့တင်ဟမ် အသင်းဟာ ဒီရာသီ ပရီးမီးယားလိဂ်မှာ ရလဒ်ကောင်းတွေ ရနေပြီး အမှတ်ပေး ဇယား ထိပ်ဆုံးမှာ ဦးဆောင် နေတဲ့ အသင်းဖြစ်ပါတယ် ။ အာဆင်နယ် အသင်းကတော့ ၁၀ ပွဲ ကစားအပြီးမှာ ၄ ပွဲ နိုင် ၊ ၁ ပွဲသရေ ၊ ၅ ပွဲ ရှုံးနဲ့ အဆင့် ၁၄ အထိ ရောက်နေပါတယ် ။
ပေါလ်မာဆင် က Daily Star မှာ အာဆင်နယ် အသင်း ရုန်းကန် နေရတဲ့ အကြောင်းအရင်းကို ”
မီခေးလ် အာတီတာ ရုန်းကန် နေရတဲ့ အကြောင်းအရင်း က သူ့ရဲ့ အဓိက ကစားသမားတွေ ဒီရာသီမှာ ခြေမပေါ် တာကြောင့်ပါ ၊ ဒါက တကယ့်ကို ကြီးမားတဲ့ ပြဿနာပါပဲ ။ “
” ကျွန်တော့် အသင်းဟောင်း အနေနဲ့ ဒီတစ်ပတ်မှာ တော့တင်ဟမ် ကို ဘယ်လို အနိုင်ရအောင် ကစားနိုင်မလဲဆိုတာ မမြင်မိပါဘူး ။ သူတို့က ခန့်မှန်းရ လွယ်ကူတဲ့ အသင်း ဖြစ်နေပါပြီ ၊ သူတို့ရဲ့ ကြယ်ပွင့်တွေဆီကနေ ဘာစွမ်းဆောင်ရည်ကောင်းမှ မရဘူး ဖြစ်နေပါတယ် ။ “
” ဝီလီယံ ဆို ဘာကို ဘာမှ မလုပ်နိုင်သေးတာပါ ၊ တကယ့်ကို အိပ်မက်ဆိုးပါပဲ ။ အူဘာမီယန်း ကလည်း ဆိုးဆိုးရွားရွား ဖြစ်နေပါတယ် ၊ သူ အသင်းထံ ဘာတွေ ယူဆောင်လာပေးသလဲ ၊ အခု အချိန်မှာတော့ ဘာမှကို လုပ်မပြထားနိုင်ပါဘူး ။ “
” အသင်းက ရုန်းကန် အဆင်မပြေ ဖြစ်နေချိန်မှာ အသင်းရဲ့ထိပ်တန်း ကစားသမားတွေဆီက စွမ်းဆောင်ရည်ကောင်းတွေ လိုအပ်ပါတယ် ။ အာဆင်နယ် က သူတို့ဆီကလည်း မရဘူး ဖြစ်နေပါတယ် ၊ သိပ်ကို အန္တရယ် ရှိတဲ့ အခြေအနေပါ ။ “
” အူဘာမီယန်း က စာချုပ်သစ် ချုပ်ပြီးကတည်းက အသင်းအတွက် အားထည့် မကစားတော့ဘူးလား ? ဒီ အဖြေကို သူပဲ သိမှာပါ ၊ ဒါပေမယ့် သူ ရနေတဲ့ လစာနဲ့ ထိုက်တန်တဲ့ စွမ်းဆောင်ရည်မျိုးတော့ မပြ နိုင်သေးပါဘူး ။ “
” အာဆင်နယ် အသင်းက အူဘာမီယန်း နဲ့ ဝီလီယံ တို့ ဘောလုံး ထိအောင် ကစားနိုင်တဲ့ plan မရှိဘူးလို့ ကျနော် ကတော့ ထင်ပါတယ် ၊ တစ်ချို့ပွဲတွေဆို သူတို့ ဘောလုံး အကြိမ် အနည်းငယ်ပဲ ထိကြတာပါ ။ ပွဲတစ်ပွဲမှာ ဘောလုံး အကြိမ် ၈၀ လောက် ထိရရင် အနည်းဆုံး ၁၀ ကြိမ်လောက်က အသင်းအတွက် ကောင်းတာ ဖြစ်နိုင်ပါတယ် ။ “
” ဒါပေမယ့် ကျွန်တော် ပရီးမီးယားလိဂ်မှာ ကြည့်ရသလောက် အူဘာမီယန်း က ဘာမှကို မလုပ်ပြ နိုင်တာပါ ။ သူတို့ ဘောလုံးပိုရအောင် လုပ်ဆောင်ရမှာပါ ၊ အာဆင်နယ် က ခန့်မှန်းရ လွယ်လွန်းနေပါတယ် ၊ မြောက်လန်ဒန်ဒါဘီမှာ အူဘာမီယန်း ကစားရရင် ခြေစွမ်းပြ နိုင်ဖို့ လိုအပ်ပါတယ် ၊ ဒါမှ မဟုတ်ရင်တော့ အာဆင်နယ်အသင်း အဖြေရှာရတော့မှာပါ ။ ” လို့ ဝေဖန် ထောက်ပြ သွားခဲ့ပါတယ် ။
