စပါးအသင်းနှင့် အင်္ဂလန်လက်ရွေးစင် တိုက်စစ်မှူးဟောင်း ဒါရင်းဘန့်က လင်ဂတ်အနေဖြင့် မန်ယူအသင်းမှ အပြီးသတ်ထွက်ခွာသင့်ကြောင်း အကြံပြုတိုက်တွန်းခဲ့သည်။
ဒါရင်းဘန့်က ”မန်ယူလိုအသင်းကို စွန့်ခွာဖို့ ခက်ခဲမယ်ဆိုတာ ကျွန်တော် နားလည်ပါတယ်။ သူက လူငယ်စီမံကိန်းက ထွက်ပေါ်လာသူလည်း ဖြစ်ပါတယ်။ ဒါပေမဲ့ ပြီးခဲ့သည့်ရာသီက ဝက်စ်ဟမ်းအသင်းမှာ ပြသခဲ့တဲ့ ခြေစွမ်းအရ အရန်ခုံမှာ ထိုင်မနေသင့်ဘဲ ဒီအရှိန်ကို အသုံးပြုသင့်တယ်လို့ ထင်ပါတယ်။ အင်္ဂလန်လက်ရွေးစင်ပြန်ဖြစ်ဖို့ ဘယ်လိုကြိုးစားခဲ့ရတယ်ဆိုတာ သူ သိပါတယ်။ ဒီအပြောင်းအရွှေ့မှာ မန်ယူအသင်းနဲ့ လမ်းခွဲသင့်ပါတယ်”ဟု ပြောကြားခဲ့သည်။
လင်ဂတ်(၂၈ နှစ်)သည် ၂၀၁၁ ခုနှစ်ကတည်းက မန်ယူအသင်းကြီးထံ ခေါ်ယူခြင်းခံခဲ့ရသော်လည်း (၁၀)နှစ်တာကာလအတွင်း အသင်း(၅)သင်းထံ အငှားချခံခဲ့ရပြီး မန်ယူအသင်းအတွက် ပြိုင်ပွဲစုံ ပွဲ(၂၁၀)သာ ကစားခွင့်ရထားကြောင်း သိရသည်။
