ဇူလိုင်လ (၁၃)ရက်က ယှဉ်ပြိုင်ကစားခဲ့သော မန်ယူ (၂-၂) ဆောက်သမ်တန် ပွဲအပြီးတွင် မန်ယူအသင်းနည်းပြ ဆိုးလ်ရှားက အသင်းကစားသမားများကို အပြစ်တင်ရန် ငြင်းဆန်ခဲ့ပြီး လူငယ်ကြယ်ပွင့်များအနေဖြင့် ယင်းပွဲသရေရလဒ်မှ သင်ယူစရာများစွာရှိသည်ဟု မှတ်ချက်ပြုခဲ့သည်။
ယင်းပွဲတွင် ဆောက်သမ်တန်အသင်းမှ အမ်းစထရောင်းက (၁၂)မိနစ်တွင် အဖွင့်ဂိုးသွင်းခဲ့သော်လည်း ရပ်ရှ်ဖို့ဒ်က (၂၀) မိနစ်တွင် ချေပဂိုးနှင့် မာစီယဲလ်က (၂၃) မိနစ်တွင် ဒုတိယဂိုးထပ် မံသွင်းယူကာ ဦးဆောင်နိုင်ခဲ့သည်။
မန်ယူအသင်းမှာ ယင်းရလဒ်အတိုင်း ပွဲပြီးခါနီးအထိ ဦးဆောင်နိုင်ခဲ့သော်လည်း လူစားဝင်လာသည့် အိုဘာဖီမီက (၉၆)မိနစ်တွင် ဆောက်သမ်တန်အတွက် ချေပဂိုး ပြန်လည်သွင်းယူခဲ့သည်။
“ဂိုးတစ်ဂိုးပြန်ပေးလိုက်ရတာ အဆိုးရွားဆုံးအချိန်ပါပဲ။ ဒါပေမဲ့ ဒီလိုပုံစံမျိုးက ဘောလုံးမှာ ဖြစ်တတ်ပါတယ်။ ကျွန်တော့်တို့အနေနဲ့ ဒီလိုပုံစံမျိုးနဲ့ပဲ ပွဲများစွာ အနိုင်ရခဲ့ဖူး ပါတယ်။ ဒီနေ့မှာ ခက်ခဲတဲ့သင်ခန်းစာတစ်ခုကို ကျွန်တော်တို့ သင်ယူခဲ့ရတယ်လို့ ယူဆပါတယ်။ ဒါကို မှန်မှန်ကန်ကန်အသုံးချပြီး အသင်းကို ဆွဲတင်ဖို့လိုပါလိမ့်မယ်။ ကျွန်တော့် ကစားသမားတွေကိုတော့ လေးစားမှုနဲ့အတူ ယုံကြည်မှုရှိပါတယ်။ ဒါပေမဲ့ အခုပွဲမှာ (၃)မှတ်သေချာပေါက်ရသင့်တယ်လို့ ယူဆမှု တွေရှိပေမယ့် ကျွန်တော်တို့ အနိုင်ရလဒ်နဲ့ မထိုက်တန်ခဲ့ပါဘူး။ ဆောက်သမ်တန်ဟာ အသင်းကောင်းတစ်သင်းပါ။ သူတို့ ကစားပုံက မြန်ပြီးရင်းမြန်သလို၊ အမီလိုက်နိုင်စွမ်းလည်းရှိပါတယ်။ ဒီနေ့မှာ ကျွန်တော်တို့အ သင်း ပုံစံမှန်ကို ဘယ်တော့မှမရခဲ့ပါဘူး။ တစ်ခါတစ်ရံမှာတော့ အံ့အားသင့်စရာကစား ပုံကောင်းတာတွေတော့ ရှိခဲ့ပါတယ်။ သွင်းဂိုး (၂)ဂိုးကလည်း အရမ်းကောင်းခဲ့တာပါ။ ရရှိတဲ့အခွင့်အရေးတွေကို အသုံးမချနိုင်ခဲ့တဲ့ နေ့ရက်တွေထဲက တစ်ရက်ပါပဲ။ သူတို့ကတော့ အခွင့်အရေး အမိအရယူနိုင်ခဲ့ပါတယ်”ဟု ဆိုးလ်ရှားက ပွဲအပြီးတွင် ပြောကြားခဲ့သည်။
မန်ယူအသင်းသည် ဆောက်သမ်တန်နှင့် သရေကျခဲ့သော်လည်း ပြိုင်ပွဲစုံ နောက်ဆုံး(၁၈)ပွဲဆက် ရှုံးပွဲမရှိ ( ၁၃ ပွဲနိုင်၊ ၅ ပွဲသရေ)ကစားထားသည်။
