ဘာစီလိုနာတိုက်စစ်မှူး အူဘာမီယန်းသည် အသင်းမှထွက်ခွာဖြစ်ပါက မန်ယူထက် ချယ်လ်ဆီးအသင်းသို့သာ ပြောင်းရွှေ့ကစားရန် ဆန္ဒရှိနေကြောင်း ဗြိတိန်သတင်းစာ Daily Mial က ဖော်ပြခဲ့သည်။
ချယ်လ်ဆီးအသင်းသည် ယခုနွေရာသီတွင် လူကာကူကို အင်တာမီလန်အသင်းထံသို့ အငှားချခဲ့သလို၊ တီမိုဗာနာကိုလည်း လိုက်ပ်ဇစ်အသင်းသို့ ပြန်လည်ရောင်းချခဲ့ခြင်းကြောင့် တိုက်စစ်မှူးတစ်ဦး ခေါ်ယူရန် ကြိုးပမ်းလျက်ရှိသည်။
မန်ယူအသင်းကလည်း အားနည်းနေသည့် အသင်း၏တိုက်စစ်ပိုင်းကို အင်အားဖြည့်တင်းရန်အတွက် တိုက်စစ်ကစားသမားများစွာကို ချိတ်ဆက်နေပြီး ယင်းထဲတွင် အူဘာမီယန်းမှာလည်း တစ်ဦးအပါအဝင်ဖြစ်ကြောင်း သိရသည်။
မန်ယူအသင်းသည် အသက် (၃၃) နှစ်အရွယ် ဂါဘွန်တိုက်စစ်မှူး အူဘာမီယန်းအား ခေါ်ယူရန် ဘာစီလိုနာအသင်းနှင့် ဆွေးနွေးနေကြောင်း ဥရောပမီဒီယာများက ဖော်ပြနေကြသည်။
သို့သော် အူဘာမီယန်းသည် ဘာစီလိုနာအသင်းတွင်သာ ဆက်နေရန်ဆန္ဒရှိနေပြီး အကယ်၍ အသင်းမှထွက်ခွာရမည်ဆိုပါကလည်း မန်ယူထက် ချယ်လ်ဆီးအသင်းကိုသာ ပြောင်းရွှေ့ကစားရန် ဆန္ဒရှိနေခြင်းဖြစ်သည်။
အူဘာမီယန်းသည် လက်ရှိ ချယ်လ်ဆီးနည်းပြ တူဟယ်လ်နှင့် ၂၀၁၅ ခုနှစ်မှ ၂၀၁၇ ခုနှစ်အထိ ဒေါ့မွန်အသင်းတွင် လက်တွဲဖူးသူဖြစ်သည်။
ထို့ပြင် အူဘာမီယန်းသည် ချန်ပီယံလိဂ်ကစားလိုသဖြင့် ချယ်လ်ဆီးသို့ ပြောင်းရွှေ့လိုနေပြီး ချယ်လ်ဆီးအသင်းက ၎င်းကို ပေါင် (၂၁) သန်းဖြင့် ခေါ်ယူရန် စီစဉ်လျက်ရှိသည်။
