မန်ယူအသင်းမှ ဥရုဂွေးဝါရင့်တိုက်စစ်မှူး ကာဗာနီသည် လာလီဂါကလပ် ဆိုစီဒက်အသင်းသို့ ပြောင်းရွှေ့ဖွယ်ရှိ ကြောင်း သိရသည်။
စီးရီးအေ၊ ပရီးမီးယားလိဂ်နှင့် ပြင်သစ်လီဂူးပြိုင်ပွဲများ၌ ကစားခဲ့ဖူးသည့် ကာဗာနီသည် လာလီဂါ၌ ပြောင်းရွှေ့ကစားရန် ဆန္ဒရှိနေခြင်းကြောင့် လာလီဂါမှ အသင်းတစ်သင်းကို ရွေးချယ်ရန် စီစဉ်နေပြီး ဆိုစီဒက်အသင်းက လည်း တိုက်စစ်ပိုင်းကို အားဖြည့်ရန် ပြင်ဆင်နေခြင်းကြောင့် အပြောင်းအရွှေ့ဖြစ်မြောက်ဖွယ်ရှိကြောင်း သိရသည်။
ဆိုစီဒက်အသင်းသည် ပြိုင်ဘက်အသင်းများ ခေါ်ယူရန် အပြိုင်လိုက်နေသည့် အီဆက်ခ်ကို လက်လွှတ်ခဲ့ရပါက ကာဗာနီအပါအဝင် တိုက်စစ်မှူးနှစ်ဦး အားဖြည့်သွားရန် စီစဉ်ထားကြောင်းလည်း သိရသည်။
