မန်ချက်စတာယူနိုက်တက်အသင်းခေါင်းဆောင် မက်ဂွိုင်းရား၏အမှုကို ယနေ့(သြဂုတ် ၂၅ ရက်)တွင် ဆက်လက်ကြားနာစစ်ဆေးမည််ဖြစ်ပြီး မက်ဂွိုင်းရားအနေဖြင့် တရားရုံးသို့ တက်ရောက်စရာမလိုဘဲ သူ၏ရှေ့နေဖြစ်သူက သူ၏ကိုယ်စား ထုချေရှင်းလင်းသွားမည်ဖြစ်ကြောင်း သိရှိရသည်။
မက်ဂွိုင်းရားအနေဖြင့် ယင်းဖြစ်ရပ်အတွက် ထောင်ဒဏ်အစားဒဏ်ငွေ ပေါင်(၉၀၀၀၀)ခန့် ကျခံရနိုင်သည်ဟု သူ၏ရှေ့နေ က ပြောကြားခဲ့သည်။
ဂရိနိုင်ငံအရှေ့တောင်ဖျားပိုင်းတွင်ရှိသည့် Mykonos ကျွန်းတွင် အပန်းဖြေခရီးထွက်ခွာစဉ် ဂရိရဲများနှင့် အချင်း များခဲ့သော မန်ယူအသင်းခေါင်းဆောင် မက်ဂွိုင်းရားက ၎င်းင်းတွင် အပြစ်မရှိဟု ဂရိတရားရုံးတွင် ထွက်ဆိုခဲ့ကြောင်း သိရှိရသည်။
ပြီးခဲ့သည့်သောကြာနေ့ နံနက်အစောပိုင်းက Mykonos ကျွန်းတွင် ရဲတပ်ဖွဲ့တာဝန်ရှိသူများနှင့် အချင်းများခဲ့ကြသော မက်ဂွိုင်းရားအပါအဝင် လူပုဂ္ဂိုလ်(၃)ဦးအား ဂရိရဲများက ဖမ်းဆီးထိန်းသိမ်းခဲ့သည်။
မက်ဂွိုင်းရားသည် သူ၏ချစ်သူ ဖန်ဟော်ကင်းစ်အပါ အဝင် မိတ်ဆွေသူငယ်ချင်းအချို့နှင့် ယင်းကျွန်းသို့ အပန်းဖြေခရီး ထွက်ခွာခဲ့ပြီး ကြာသပတေးနေ့ ညနေပိုင်းတွင် ကျွန်းရှိ ဘားတစ်ခုတွင် သောက်စားပျော်ပါးခဲ့ကြသည်။
ထို့နောက် သောကြာနေ့နံနက် (၄း၁၅)နာရီအချိန်တွင် ၎င်းတို့လူစုနှင့် အခြားအဖွဲ့တစ်ဖွဲ့အချင်းများနေသည်ကို ဂရိရဲများက လူစုခွဲရန်ညွှန်ကြားရာမှ မက်ဂွိုင်းရားတို့အုပ်စုနှင့် ရဲတပ်ဖွဲ့ဝင်များ ထပ်မံအချင်းများခဲ့ခြင်းဖြစ်သည်။
သောကြာနေ့တွင် ဂရိရဲတပ်ဖွဲ့က ကြေညာချက်ထုတ်ပြန်ခဲ့ပြီး နံနက်အစောပိုင်းတွင် ဘားတစ်ခုပြင်ပ၌ရှိသော လူအုပ်စု(၂)ခုအား လူစုခွဲရန် ညွှန်ကြားရာမှ နိုင်ငံခြားသား (၃)ဦးက ရဲတပ်ဖွဲ့ဝင်များအား နှုတ်ဖြင့် ဆဲဆိုခြင်း၊ တိုက်ခိုက်ခြင်းများ ပြုလုပ်ခဲ့ကြောင်း ၎င်းတို့အား တာဝန်ရှိသူများကို အကြမ်းဖက်တိုက်ခိုက်ခြင်း၊ အမိန့်ကို ဖီဆန်ခြင်း၊ တစ်ဖက်သားကို ထိခိုက်ဒဏ်ရာရအောင် ကျူးလွန်ခြင်းနှင့် ရဲတပ်ဖွဲ့အားလာဘ်ပေးရန် ကြိုးစားခြင်းများအတွက် စွဲချက်တင်ကာ တရားရုံးတွင် ရုံးတင်စစ်ဆေးမည်ဖြစ်ကြောင်း ဖော်ပြခဲ့သည်။
ပြီးခဲ့သည့်စနေနေ့က ဂရိတရားရုံးတစ်ခုတွင် ယင်းအမှုကို ကြားနာခဲ့ပြီး မက်ဂွိုင်းရားသည် သူ၏သူငယ်ချင်းများနှင့်အတူ တရားရုံးသို့ တက်ရောက်ခဲ့ကြောင်း သိရှိရသည်။
ဂရိနိုင်ငံ၊ ဆိုင်ရော့စ်ကျွန်းရှိ တရားရုံးတွင် ပြုလုပ်ခဲ့သော ယင်းကြားနာမှု၌ မက်ဂွိုင်းရားက ၎င်းတွင် အပြစ်မရှိဟု ထုချေခဲ့ကြောင်း ဗြိတိန်မီဒီယာများက ဖော်ပြခဲ့ကြသည်။
ယင်းအမှုအား ယခုအင်္ဂါနေ့တွင် ဆက်လက်ကြားနာစစ်ဆေးသွားမည်ဖြစ်ပြီး မက်ဂွိုင်းရားအနေဖြင့် တရားရုံးသို့ တက်ရောက်စရာမလိုဘဲ သူ၏ရှေ့နေဖြစ်သူက သူ၏ကိုယ်စား ထုချေရှင်းလင်းသွားမည်ဖြစ်ကြောင်း သိရှိရသည်။
မက်ဂွိုင်းရားအနေဖြင့် ယင်းဖြစ်ရပ်အတွက် ထောင်ဒဏ်အစားဒဏ်ငွေ ပေါင်(၉၀၀၀၀)ခန့် ကျခံရနိုင်သည်ဟု သူ၏ရှေ့နေ က ပြောကြားခဲ့သည်။
