မန်ချက်စတာယူနိုက်တက် နောက်ခံလူ အဲလက်စ်တဲလက်စ်ကို ခေါ်ယူရန် ရိုးမားအသင်းကြိုးပမ်းနေ

မန်ချက်စတာယူနိုက်တက်အသင်း၏ ဘရာဇီးလ်နောက်ခံကစားသမား အဲလက်စ်တဲလက်စ် အားခေါ်ယူရန် စီးရီးအေကလပ် ရိုးမားအသင်းက ကြိုးပမ်းနေကြောင်း သိရသည်။

အဲလက်စ်တဲလက်စ်(၂၈ နှစ်)သည် ပြီးခဲ့သည့်နှစ် အောက်တိုဘာလကမှ ပေါ်တူဂီကလပ် ပေါ်တိုအသင်းမှ မန်ချက်စတာယူနိုက်တက်အသင်းသို့ ပေါင်(၁၅.၄)သန်း ဖြင့် ရောက်ရှိလာသူဖြစ်ပြီး ရိုးမားအသင်းက ၎င်းအား တစ်ရာသီ အငှားစာချုပ်ဖြင့် ခေါ်ယူလိုနေကြောင်း သိရသည်။

ရိုးမားအသင်းသည် ယူရို- ၂၀၂၀ ပြိုင်ပွဲတွင် ဒဏ်ရာရရှိခဲ့သည့် အီတလီနောက်ခံလူ စပင်နာဇိုလာအတွက် ၎င်းကို အငှားခေါ်ယူလိုနေခြင်းဖြစ်ပြီး မန်ချက်စတာယူနိုက်တက်အသင်းကမူ အပြီးသတ်ရောင်းချလိုနေသည်။