အာဆင်နယ်အသင်းကွင်းလယ်လူဟောင်း ဖာဘရီဂတ်စ်က မက်ဆီနဲ့အဆင်ပြေပြေတွဲဖက်ကစားနိုင်တဲ့ အသင်းဖော်ဟောင်းတစ်ဦးနာမည်ကို ထုတ်ဖော်ပြောကြားလိုက်ပါတယ်။ စပိန်သားဟောင်းဟာ ၂၀၁၁ တုန်းက အာဆင်နယ်အသင်းထံကနေ ဘာစီလိုနာအသင်းထံပြန်လည်ပြောင်းရွှေ့ခဲ့တာဖြစ်ပြီး မက်ဆီနဲ့ပြန်လည်ပေါင်းဆုံခဲ့တာဖြစ်ပါတယ်။
အဲ့နောက် အာဂျင်တိုင်းသားနဲ့အတူ လာလီဂါချန်ပီယံဆုကိုပါရယူနိုင်ခဲ့ပါတယ်။ စပိန်သားဟောင်းက ဘာစီလိုနာမှာ အွန်နရီနဲ့တွဲဖက်ကစားခဲ့ရတာက တကယ်အဆင်ပြေခဲ့တယ်လို့ ဆိုပါတယ်။ အွန်နရီဟာ ၂၀၀၇ ကနေ ၂၀၁၀ အထိ မက်ဆီ ၊ ဖာဘရီဂတ်စ်တို့နဲ့တွဲဖက်ကစားခဲ့တာဖြစ်ပါတယ်။ အင်တာဗျူးတစ်ခုမှာ ဖာဘရီဂတ်စ်က “သီယာရီက မက်ဆီနဲ့အတူတွဲကစားနိုင်တဲ့ကစားသမားပါ။ သူတို့ ၂ ဦးကွင်းထဲမှာ ပါဝင်လာပြီဆိုရင် သန်မာသလိုခံစားရပါတယ်။ ဆိုလိုတာက ကျွန်တော်ကောင်းကောင်းမကစားနိုင်တာဖြစ်ဖြစ် အသင်းဘက်က ခြေစွမ်းမကောင်းတာဖြစ်ဖြစ် သီယာရီက အဲ့နေ့မှာ ကယ်တင်ခဲ့ပါတယ်။
ကျွန်တော့်ကစားသမားဘဝနောက်ဆုံးပိတ်ပွဲတွေမှာဆိုရင် နောက်ဆုံး ၈ နှစ်ကနေ ၁၀ နှစ်အတွင်းပွဲတွေက မလွယ်ကူခဲ့ပါဘူး။ မက်ဆီနဲ့တွဲဖက်ကစားရချိန်မှာ ခင်ဗျားအနေနဲ့ ယုံကြည်မှုကို ခံစားရနိုင်သလို သီယာရီနဲ့လည်း အတူတူပါပဲ။
ဟိုက်ဘူရီမှာ အဲဗာတန်ကိုရင်ဆိုင်ကစားခဲ့တုန်းကလည်း ကွင်းထဲမဝင်ခင် အဆင်မပြေသလို ခံစားခဲ့ရပါတယ်။ ဒါပေမယ့် ကျွန်တော်ဒီပွဲကိုနိုင်မယ်ဆိုတာ သိနေပါတယ်။ ဘာလို့လဲဆိုတော့ အွန်နရီရဲ့စွမ်းအားကြောင့်ပါ။ ဘာစီလိုနာမှာလည်း လီယို ၊ သီယာရီတို့နဲ့တွဲဖက်ကစားရတာက တကယ်အဆင်ပြေလွန်းပါတယ်”လို့ ဖြေကြားခဲ့ပါတယ်။
ဖာဘရီဂတ်စ်ဟာ မက်ဆီ နဲ့ သူငယ်ချင်းအရင်းကြီးတွေဖြစ်နေဆဲဖြစ်ကာ အာဂျင်တိုင်းသားက အင်တာမိုင်ယာမီမှာ ဆက်ကစားနေတာဖြစ်ပါတယ်။
အာဆင်နယ်စတားဟောင်းကတော့ အသက် ၃၆ နှစ်အရွယ်မှာတင် ကစားသမားဘဝက အနားယူခဲ့ပြီး နည်းပြဘဝကို စတင်ဝင်ရောက်ခဲ့ကာ ကိုမိုအသင်းကို တာဝန်ယူနေပါတယ်။
