နာမည်ကျော် UFC ဖိုက်တာ နှစ်ဦးဖြစ်သည့် မက်ဂရီဂေါ်နှင့် ပွိုင်ရီယာတို့၏ပွဲစဉ်ကို ယူအေအီးနိုင်ငံ အဘူဒါဘီမြို့တွင် ဇန်နဝါရီလ (၂၄)ရက်၌ ကျင်းပပြုလုပ်သွားမည်ဖြစ်ပြီး ပရိသတ်(၂ဝဝဝ)ခန့် ကြည့်ရှုခွင့်ရမည်ဖြစ်ကြောင်း သိရှိရသည်။
မက်ဂရီဂေါ်နှင့် ပွိုင်ရီယာတို့သည် ၂၀၁၄ ခုနှစ်က တစ်ကြိမ်ထိုးသတ်ခဲ့ဖူးပြီး ထိုအချိန်က မက်ဂရီဂေါ်က ပွဲစပြီး (၂)မိနစ်အတွင်း အနိုင်ယူ ထိုးသတ်ခဲ့ဖူးသည်။
ပွိုင်ရီယာက သူသည် လွန်ခဲ့သည့် (၆)နှစ်က ရှုံးပွဲအပေါ် သင်ခန်းစာယူပြီး ပြင်ဆင်ခဲ့သဖြင့် ယခုအချိန်တွင် ပိုမိုကောင်းမွန်သည့် ကစားသမားဖြစ်နေပြီဖြစ်သည်ဟု ပြောကြားခဲ့သည်။
သူသည် ယခုပွဲစဉ်အတွက် စိတ်ပိုင်းဆိုင်ရာ ပြင်ဆင်မှုကိုပါ ပြုလုပ်ထားပြီး မက်ဂရီဂေါ်ကို အနိုင်ကစားသွားမည်ဟုလည်း ပြောကြားခဲ့သည်။
ယခုပွဲစဉ်တွင် ထိုးသတ်မည့် ကစားသမားနှစ်ဦးစလုံးသည် ၂၀၁၈ နှင့် ၂၀၁၉ ခုနှစ်များအတွင်း ရုရှားကစားသမား ခါဘိကို ရှုံးနိမ့်ထားဖူးကြသူများဖြစ်ပြီး မက်ဂရီဂေါ်ကမူ ယခုပွဲစဉ်တွင် အနိုင်ကစားပြီးပါက ခါဘိနှင့် ပြန်လည်ထိုးသတ်ရန် စိတ်ဝင်စားနေကြောင်း သိရှိရသည်။
ယင်းပွဲစဉ်ကို ဗြိတိန်တွင် BT Sport Box Office တွင် ကြည့်ရှုခွင့်ရမည်ဖြစ်သလို၊ BT Sport App နှင့် ဝက်ဘ်ဆိုက်တို့တွင်လည်း ကြည့် ရှုနိုင်မည်ဖြစ်သည်။ အမေရိကန်နှင့် ကမ္ဘာတစ်ဝှမ်းရှိ ပရိသတ်များကမူ ESPN+ ရုပ်သံမှတစ်ဆင့် ကြည့်ရှုခွင့်ရမည်ဖြစ်သည်။
