ဘိုင်ယန်မြူးနစ် နှင့် ကိုလုံး
ဘိုင်ယန်မြူးနစ်အသင်းက လာမယ့်ကြားရက်မှာ အာဆင်နယ်နဲ့ ချန်ပီယံလိဂ် ကွာတားဒုတိယအကျော့ပွဲ ထပ်မံကစားရဦးမယ်။ ဘိုင်ယန်အသင်းရဲ့လားရာက ဒီရာသီဖလား နောက်ဆုံးမျှော်လင့်ချက်ဖြစ်တဲ့ ချန်ပီယံလိဂ်တစ်ခုတည်းကိုပဲ လုံးဝပုံအောထားသလိုပါပဲ။ နှစ်ပွဲဆက်အရှုံးကြောင့် ဘိုင်ယန်အသင်း အိမ်ကွင်းပွဲစဉ်လည်းဖြစ်လို့ ပရိသတ်ကျေနပ်အောင် ကစားပြဦးမယ်ထင်တယ်။ တန်းဆင်းဇုန်ထဲရောက်နေတဲ့ ကိုလုံးအသင်းက နောက်ဆုံးပွဲမှာ နိုင်ပွဲပြန်တွေ့ထားသလို၊ အဝေးကွင်း(၅)ပွဲဆက် သရေကျထားခဲ့တယ်။ ဘိုင်ယန် (၃)ဂိုးတော့ မပြတ်လောက်ဘူး။
လိုက်ပ်ဇစ် နှင့် ဝုလ်ဖ်ဘတ်
လိုက်ပ်ဇစ်အသင်းက နောက်ဆုံး(၅)ပွဲမှာ နိုင်ပွဲ(၄)ပွဲစလုံး ဂိုးပြတ်အနိုင်ရခဲ့တယ်။ လိုက်ပ်ဇစ်အသင်းအဖို့ ဒေါ့မွန်နဲ့ ချန်ပီယံလိဂ်ဝင်ခွင့် အပြိုင်လုနေရလို့ အမှားခံလို့ မဖြစ်ပါဘူး။ လိုက်ပ်ဇစ်ကိုပဲ ကြိုက်တယ်။
မိန့်ဇ် နှင့် ဟော်ဖန်ဟင်မ်
မိန့်ဇ်အသင်းက အိမ်ကွင်းနောက်ဆုံး (၅)ပွဲဆက်တိုက် ရှုံးပွဲမရှိအောင် ကစားထားတယ်။ ဒါပေမဲ့ မိန့်ဇ်အနေနဲ့ ဟော်ဖန်ဟင်မ်ကို အနိုင်ရဖို့တော့ မလွယ်ဘူး။
မိုချန်ဂလာဘတ် နှင့် ဒေါ့မွန်
ဒေါ့မွန်အသင်းက ဘိုင်ယန်အပါအဝင် (၄)ပွဲဆက် အနိုင်ကစားခဲ့ပြီးမှ စတုဂတ်ကို ပြန်အရေးနိမ့်ခဲ့တယ်။ ဒေါ့မွန်က ချန်ပီယံလိဂ်ဘက်ကို ပိုအာရုံရောက်နေနိုင်တယ်။ မိုချန်ဂလာဘတ် အမှတ်ရသွားနိုင်တယ်။
ဘိုဟုမ် နှင့် ဟိုင်းဟိုင်
ဟိုင်းဟိုင်အသင်းက ဘွန်ဒစ်လီဂါနောက်ဆုံးပွဲမှာ ဘိုင်ယန်ကို အနိုင်ကစားထားလို့ စိတ်ဓာတ်မြင့်နေနိုင်တယ်။ ဟိုင်းဟိုင် အမှတ်ရလိမ့်မယ်။
စတုဂတ် နှင့် ဖရန့်ဖတ်
စတုဂတ်အနေနဲ့ ချန်ပီယံလိဂ်ဝင်ခွင့်အတွက် သေချာသထက်သေချာအောင် ပြုလုပ်လိမ့်မယ်။ စတုဂတ် ဂိုးပြတ်၊ မပြတ်ပဲကြည့်ရမှာပါ။
