2019 – 20 ဘောလုံး ရာသီ ကုန်ဆုံး သွားခဲ့တဲ့နောက် မှာတော့ ဘာစီလိုနာ အသင်း ရဲ့ အဓိက တိုက်စစ် ကစားသမား ဖြစ်သူ လီယွန်နယ် မက်ဆီဟာ ကစားသမား ဘဝ အတွင်း ဝင်ငွေ တစ် ဘီလီယံ အထိ ရှာဖွေ ထားနိုင် ခဲ့ပြီ ဖြစ်တဲ့ ဒုတိယမြောက် ဘောလုံး သမား ဖြစ်လာခဲ့ ပါပြီ ။
ဘောလုံး အားကစားသမားတွေ အနက် ဝင်ငွေ တစ်ဘီလီယံ ရရှိ နိုင်ခဲ့တဲ့ ပထမဆုံး ကစားသမား ကတော့ လက်ရှိ ဂျူဗင်တပ် အသင်း ရဲ့ တောင်ပံ တိုက်စစ် ကစားသမား ဖြစ်သူ ခရစ္စတီယာနို ရော်နယ်ဒိုပဲ ဖြစ်ခဲ့ ပါတယ် ။ အခုတော့ မက်ဆီးလည်း လိုက်မီ သွားခဲ့ ပါပြီ ။
ဒါ့အပြင် Forbes က ထုတ်ပြန် ခဲ့တဲ့ 2020 ခုနှစ် အတွက် ဝင်ငွေ အများဆုံး ကစားသမား စာရင်း မှာလည်း မက်ဆီ က နံပါတ် တစ် အဖြစ် ဦးဆောင် နိုင်ခဲ့ ပါတယ် ။ မက်ဆီ ဟာ 2020 ခုနှစ် အတွင်း ဒေါ်လာ 126 သန်း ( ပေါင် 98 သန်း ) [ လစာ ပေါင် 72 + စပွန်ဆာ ပေါင် 26 သန်း ] အထိ ရရှိ ထားနိုင် ခဲ့တဲ့ အတွက် အခုလို ဦးဆောင် နိုင်ခဲ့တာ ဖြစ်ပါတယ် ။
လက်ရှိ ရာသီ မှာတော့ သူဟာ ဘာကာ မှာပဲ ဆက်နေဖို့ ဆုံးဖြတ် ခဲ့ရ ပေမယ့် သူ့ရဲ့ အနာဂတ် ကတော့ မရေရာတော့ ပါဘူး ။ မက်ဆီဟာ Adidas ၊ Pepsi ၊ Budweiser ၊ AI-vision company တွေနဲ့ စပွန်ဆာ စာချုပ် သက်တမ်း တွေကို ပိုင်ဆိုင် ထားတဲ့ အတွက် ဝင်ငွေတွေ ကောင်းခဲ့တာပဲ ဖြစ်ပါတယ် ။
Forbes ရဲ့ တစ်နှစ်တာ ဝင်ငွေ အကောင်းဆုံး စာရင်းမှ ဒုတိယမြောက် ဝင်ငွေ အကောင်းဆုံး ကစားသမား ကတော့ ဂျူဗင်တပ် အသင်း မှ ခရစ္စတီယာနို ရော်နယ်ဒိုပဲ ဖြစ်ခဲ့ ပါတယ် ။ သူဟာ တစ်နှစ် ဒေါ်လာ 117 သန်း ( ပေါင် 91 သန်း ) ရှာဖွေ နိုင်ခဲ့ ပါတယ် ။
စီ ရော်နယ်ဒို ဟာ လူမှုကွန်ယက် အပေါ် မှာတော့ အားပေးသူ 457 သန်း အထိ ရှိနေပြီး ကမ္ဘာ ပေါ်မှာ ပေါ်ပြူလာ အဖြစ်ဆုံး ကစားသမား တစ်ဦး အဖြစ် သတ်မှတ် ခံထာရ ပါတယ် ။ သူဟာ Nike ၊ Herbalife တွေနဲ့ စပွန်ဆာ စာချုပ် ရှိသူပဲ ဖြစ်ပါတယ် ။
အဆိုပါ စာရင်း ရဲ့ တတိယ နေရာ မှာတော့ PSG အသင်း ရဲ့ တောင်ပံ တိုက်စစ် ကစားသမား ဖြစ်သူ နေမာ ဂျူနီယာ က ဒေါ်လာ 96 သန်း ( ပေါင် 75 သန်း ) နဲ့ ရပ်တည် နိုင်ခဲ့ ပါတယ် ။ သူဟာ မကြာသေးခင်ကပဲ Nike နဲ့ စာချုပ် သက်တမ်း ကုန်ဆုံး ခဲ့ပြီး Puma နဲ့ သက်တမ်း တိုးခဲ့ သူပဲ ဖြစ်ပါတယ် ။
အဆိုပါ စာရင်း ရဲ့ စတုတ္ထ နေရာ မှာတော့ နေမာ ရဲ့ PSG အသင်းဖော် ကိုင်လီယံ အမ်ဘက်ပီ က နေရာယူခဲ့ ပါတယ် ။ အမ်ဘက်ပီ ကတော့ တစ်နှစ်ကို ဒေါ်လာ 42 သန်း ( ပေါင် 33 သန်း ) ရရှိ နေသူပဲ ဖြစ်ပါတယ် ။ သူဟာ FIFA 21 ရဲ့ ကာဗာ ဖိုတို မှာ နေရာ ရရှိ ထားသူပဲ ဖြစ်ပါတယ် ။
လက်ရှိ အလားအလာတွေ အရတော့ အမ်ဘက်ပီဟာ လစာပိုင်း ဆိုင်ရာ အခုထက် ပိုမို တိုးတက် များပြား လာဖို့ ရှိနေပြီ အခုလိုသာ ဆက်လက် တောက်ပ နိုင်ဦးမယ် ဆိုရင်တော့ နေမာ ကိုပါ သိပ်မကြာမီ နှစ် အနည်းငယ် အတွင်း ကျော်ဖြတ် နိုင်လိမ့်မယ် လို့ ထင်ကြေး ပေးခံ နေရသူပဲ ဖြစ်ပါတယ် ။
ထိပ်ဆုံး 5 ယောက် စာရင်းထဲ ဝင်ရောက် နိုင်ခဲ့သူ နောက်ထပ် ကတော့ လီဗာပူး အသင်း မှ မိုဟာမက် ဆာလာပဲ ဖြစ်ပါတယ် ။ သူဟာ တစ်နှစ် ဒေါ်လာ 37 သန်း ( ပေါင် 29 သန်း ) ရရှိ နေသူပဲ ဖြစ်ပါတယ် ။ ဆာလာ ဟာ Adidad ၊ Vodafone ( အီဂျစ် ) တွေနဲ့ စပွန်ဆာ စာချုပ် ရှိနေသူပဲ ဖြစ်ပါတယ် ။
ဆဋ္ဌမ နေရာ မှာတော့ မန်ချက်စတာ ယူနိုက်တက် အသင်း မှ ကွင်းလယ်လူ ပေါလ် ပေါ့ဂ်ဘာ က ဒေါ်လာ 34 သန်း ( ပေါင် 26 သန်း ) နဲ့ ရပ်တည် နေခဲ့ ပါတယ် ။ ဘာစီလိုနာ အသင်း မှ တိုက်စစ်မှူး ဂရစ်ဇ်မန်း ကတော့ ဒေါ်လာ 33 သန်း ( ပေါင် 26 သန်း ) နဲ့ သတ္တမ နေရာ မှာ ရှိနေခဲ့ ပါတယ် ။
ရီးယဲ မက်ဒရစ် အသင်းမှ တောင်ပံ တိုက်စစ် ကစားသမား ဖြစ်သူ ဂါးရတ် ဘေးလ် ကတော့ ဒေါ်လာ 29 သန်း ( ယူရို 23 သန်း ) နဲ့ အဋ္ဌမ နေရာ မှာ ရပ်တည် နေခဲ့ပြီး ဘိုင်ယန် မြူးနစ် မှ တိုက်စစ်မှူး လီဝန်ဒေါစကီး က ဒေါ်လာ 28 သန်း ( ပေါင် သန်း 22 ) ၊ ယူနိုက်တက် ဂိုးသမား ဒီဂီယာ က ဒေါ်လာ 27 သန်း ( ပေါင် 21 သန်း ) နဲ့ ထိပ်သီး ဆယ်ယောက် စာရင်းထဲ ဝင်ရောက် နိုင်ခဲ့ကြ ပါတယ် ။
