အာဆင်နယ်အသင်းနည်းပြ အာတီတာက မိမိတို့အသင်းအနေနဲ့ အနီကတ်တွေနဲ့ ဝေးဝေးနေဖို့ လိုအပ်လာပြီဖြစ်ကြောင်း ဝန်ခံပြောကြားလိုက်ပါတယ်။ ဘုန်းမောက်နဲ့ပွဲမှာ အာဆင်နယ်ဟာ တတိယအကြိမ်မြောက် ကစားသမားအထုတ်ခံခဲ့ရပြီး ဆာလီဘာတစ်ယောက် အထုတ်ခံခဲ့ရတာဖြစ်ပါတယ်။
ပွဲအပြီးမှာ ရိုက်စ်ကလည်း ဆာလီဘာအထုတ်ခံရတာနဲ့ပတ်သက်ပြီး စိတ်ပျက်မိတယ်လို့ ထုတ်ဖော်ပြောကြားခဲ့ပါတယ်။ အခုချိန်မှာ အာတီတာကိုယ်တိုင်က မိမိတို့ကစားသမားတွေအနေနဲ့ ကွင်းထဲမှာ တည်တည်ငြိမ်ငြိမ်ကစားဖို့ အကြံပေးမှာဖြစ်သလို မလိုအပ်ပဲ ဘယ်လိုကတ်မျိုးမှမရအောင် ရှောင်ရှားရမယ်လို့ ဆိုလိုက်ပါတယ်။
စပိန်သားက ဆာလီဘာရဲ့အနီကတ်ပြစ်ဒဏ်ကို အယူခံဝင်မှာဖြစ်တယ်လို့ အရိပ်အမြွက်ပြောကြားခဲ့ပေမယ့် အခုချိန်မှာတော့ ပြင်သစ်သားဟာ လာမယ့်လီဗာပူးနဲ့ပွဲကို လွဲချော်မယ်လို့ အတည်ပြုခဲ့ပါတယ်။
“၁၀ ယောက်တည်းနဲ့ကန်ရတာက ပြဿနာတစ်ရပ်ဖြစ်လာနေပါပြီ။ အမှန်တရားက ကျွန်တော်တို့ မတူညီတဲ့တုံ့ပြန်မှု ၃ခုကနေ ဖြစ်လာခဲ့တာပါ။ အကြောင်းပြချက်တွေက ကွဲပြားခြားနားပါတယ်။
အဲ့တာကြောင့် နောက်ပွဲတွေမှာ အခုလိုမျိုးအနေအထားနဲ့ဆက်မကစားဖို့ လိုအပ်ပါတယ်။ ကျွန်တော်တို့ ရင့်ကျင်ဖို့ လိုအပ်ပါတယ်။ အဲ့တာက ရှင်းလင်းပါတယ်။ အကြောင်းပြချက်တွေက ဘာပဲဖြစ်ဖြစ်ပါ။
ကျွန်တော်တို့ အာရုံစိုက်ရမှာဖြစ်ပြီး ၁၀ ယောက်တည်းနဲ့နောက်လာမယ့်ပွဲတွေမှာ ဆက်မကစားရဖို့ လိုအပ်ပါတယ်။ ဒီအခြေအနေကိုမေ့ပစ်ပြီး နာကျင်မှုတွေကနေ သင်ခန်းစာယူရပါမယ်”လို့ အာတီတာက ပြောကြားခဲ့ပါတယ်။
အာဆင်နယ်ဟာ လာမယ့်ကြားရက်မှာ ချန်ပီယံလိဂ်ပွဲအဖြစ် ရှက်တာအသင်းနဲ့ကန်ရမှာဖြစ်ကာ အဲ့နောက် လာမယ့်တနင်္ဂနွေနေ့မှာ လီဗာပူးနဲ့ကန်ရမှာဖြစ်ပါတယ်။
