မန်စီးတီးနည်းပြ ဂွါဒီယိုလာက လိဒ်စ်နည်းပြ ဘီယဲလ်ဆာမှာ မိမိအလေးစားဆုံးနည်းပြဖြစ်သည်ဟု ပြောကြားခဲ့သည်။
စပိန်လူမျိုးနည်းပြ ဂွါဒီယိုလာသည် နည်းပြဘဝကို မစတင်မီက ဘီယဲလ်ဆာထံတွင် နည်းပြဘဝနှင့်ပတ်သက်ပြီး လေ့လာသင်ယူခဲ့သူဖြစ်သည်။
ထို့ကြောင့် ဂွါဒီယိုလာက လိဒ်စ်အသင်းနှင့် ကစားမည့်ပွဲစဉ်အတွက် ပြုလုပ်သည့် ပွဲကြိုသတင်းစာရှင်းလင်းပွဲတွင် ယင်းကဲ့သို့ ပြောကြားခဲ့ခြင်းဖြစ်သည်။
ဂွါဒီယိုလာက “သူက ဘောလုံကမ္ဘာမှာ ကျွန်တော် အလေးစားရဆုံးပုဂ္ဂိုလ်တစ်ဦးဖြစ်ပါတယ်။ သူ့ကို နည်းပြတစ်ဦးအနေနဲ့ရော၊ လူပုဂ္ဂိုလ်တစ်ဦးအနေနဲ့ပါ ကျွန်တော့်အနေနဲ့ လေးစားမှုအပြည့်ရှိပါတယ်။ သူဟာ ယုံကြည်စိတ်ချရဆုံးနည်းပြတစ်ဦးဖြစ်ပြီး သူ့အသင်းကို ဘယ်လိုကိုင်တွယ်ရမယ်ဆိုတာကို ကောင်းကောင်းသိသူပါ။ သူက ထူးခြားပါတယ်။ သူ့လို ဘယ်သူမှ လိုက်လုပ်ဖို့ မဖြစ်နိုင်ပါဘူး”ဟု ပြောကြားခဲ့သည်။
ဘီယဲလ်ဆာသည် နည်းပြဘဝအောင်မြင်မှုချင်းယှဉ်လျှင် ဂွါဒီယိုလာထက် များစွာနည်းပါးသော်လည်း ဂွါဒီယိုလာက နည်းပြတစ်ဦး၏ တန်ဖိုးကို အောင်မြင်မှုနှင့်တိုင်းတာ၍ မရကြောင်းလည်း ပြောကြားခဲ့သည်။
မန်စီးတီးအသင်းသည် ပရီးမီးယားလိဂ်ပွဲစဉ် (၄)အဖြစ် ယနေ့(အောက်တိုဘာ ၃ ရက်)တွင် လိဒ်စ်အသင်းကို အဝေးကွင်း၌ သွားရောက်ယှဉ်ပြိုင်ရမည်ဖြစ်သည်။
